میدڤیدیڤ: ناسناڤێ ئێكێ دێ ڤەگەڕاندن بیت بۆ پلەداریا جیهانێ
د دیدارەكا رۆژنامەڤانی دا یاریزانێ رۆسی و پلەدارێ پێنجێ یێ جیهانی بۆ یارییا تێنسا ئەردی دانیێل میدڤیدیڤ بەرهەڤییا خوە دیار كر بۆ پشكداریێ د قارەمانییا قەتەر ئێكسۆن مۆبیل یا ڤەكری دا ئەوا بڕیارە هەڤڕكیێن وێ ل 17ێ هەتا 22ێ شۆباتا بهێت وەلاتێ قەتەر مێڤاندارییا وێ بكەت ئەوا ژلایێ فدراسیۆنا تێنسا ئەردی یا جیهانێ پەسەند كری.
میدڤیدیڤی گۆت: ژبەركو خالێن پلەكرنا قارەمانیێ بۆ یاریزانان ژ 250 بەر ب 500 خالان زێدەكرییە، من بڕیارا پشكداریێ د قارەمانییا ئێكسۆن مۆبیل كرییە، دەلیڤەیەكا زێرینە بۆ من ئاست و ئەنجامێن خوە ڤەگەڕینم هێشتا دەستپێكا سالێ یە، ناسناڤێ ئێكێ دێ ڤەگەڕاندن بیت بەر ب پێشڤە بۆ پلەدارییا جیهانی، بەرنامەكێ ڕێكخستی یێ بەرهەڤییان هاتییە دانان، ئەركێ من ب سانەهی نابیت لێ دێ كارەكێ مەزن كەم بۆ سەركەفتنان و گەهشتن بەر ب ئارمانجا خوە.
