میدیاكارهكێ عیراقی: گرنگیا گهشتوگوزارێ ل دهۆكێ ژ عیراقێ زێدهتره
ئهڤرۆ، زنار تۆڤی:
رێڤهبهرێ گشتی یێ گهشتوگوزارێ ل پارێزگهها دهۆكێ راگههاند، وان پلانهكا ستراتیجی بۆ پێشخستنا كهرتێ گهشتوگوزاری ل پارێزگهها دهۆكێ دانایه، د پێنگاڤهكێ دا وان 20 دهزگههێن راگههاندنێ یێن عیراقی داخواز كرینه دهۆكێ و سهرهدانا چهندین جهێن گهشتیاری یێن پارێزگهها دهۆكێ كرینه.
حسێن ئێتیتی، خودانێ سیلاڤا ئاشاوا یا گهشتوگوزاری، د دیدارهكێ دا بۆ رۆژناما ئهڤرۆ دیار كر، پشتی هاتنا ڤایرۆسێ كۆرۆنایێ رێژا هاتنا گهشتییاران بۆ جهێن گهشوگوزاری گهلهك كێم بوو، لێ ل سالا بوری و ب تایبهتی ژی د ئهڤ ساله دا، رێژا هاتنا گهشتیارێن بیانی بۆ سیلاڤا ئاشاوا و پرانییا جهێن دیتر یێن گهشتوگوزاری گهلهك باش بوویه.
حهمزه خالد، ژ كهنالێ ئافاق یێ عیراقێ دبێژیت: جوداهیا پارێزگهها دهۆكێ ل گهل پارێزگههێن عیراقی ئهوه، ل دهۆكێ گهلهك گرنگی ب كهرتێ گهشتوگوزاری دایه و ئهڤ چهنده ل باژێرێن دیتر یێن عیراقی نینه و گۆت: ئهم ژی دێ ب رێیا كهنالێن خۆ یێن راگههاندنێ بهحسا جوانی و جهێن گهشتییاری یێن پارێزگهها دهۆكێ كهین و مه چهندین راپۆرت ژی ل سهر ڤێ گهشتا خۆ، ب تایبهتی ژی ل سهر جهێن گهشتوگوزاری بهرههڤ كرینه و دێ وان ههموو راپۆرتان نیشا خهلكێ دهین.
د. خهیری عهلی ئوسۆ، رێڤهبهرێ گشتی یێ گهشتوگوزارێ ل پارێزگهها دهۆكێ دیار كر: وان پلانهكا ستراتیجی ههبوویه، بۆ پێشخستنا كهرتێ گهشتوگوزاری ل پارێزگهها دهۆكێ، ئێك ژ پلانێن وان، بازاركرنه، د پێنگاڤهكێ دا وان 20 دهزگههێن راگههاندنێ یێن عیراقی داخواز كرینه دهۆكێ و سهرهدانا چهندین جهێن گهشتییاری یێن پارێزگهها دهۆكێ كرینه، ئارمانجا وان ژ ڤی كاری ئهوه، كو ئهو میدیاكاره چهندین راپۆرتان ل سهر جهێن گهشتوگوزاری یێن پارێزگهها دهۆكێ چێكهن و دورهێلی گهشتیاری ل دهۆكێ ڤهگوهێزنه ههموو پارێزگههێن عیراقی و وهلاتێن عهرهبی ژی، د ههمان دهمدا ئارمانجا مه یا سهرهكی ئهو بوو، كو ریكلامكرنا ئهوان جهێن گهشتییاری یێن ل دهڤهرا ئامێدیێ بهێنه ڤهگۆهاستن بۆ ههموو خهلكێ عیراقێ، ههروهسا ههر ژ دهمێ ئهو بوویه رێڤهبهرێ گشتی یێ گهشتوگوزارا دهۆكێ، ئهڤه جارا ئێكێ یه ئهو ڤێ پێنگاڤێ دهاڤێژیت.
