میدیا نهێلی: ل ئه‌لمانیا ژیانا من كریه كورته فلمه‌كێ سینه‌مایی
ئه‌ڤرۆ، هه‌رهین محه‌مه‌د:
سترانبێژ و شانۆڤان (میدیا نهێلی) كو نوكه ل وه‌لاتێ ئه‌لمانیا دژیت دیداره‌كێ دا بۆ رۆژناما ئه‌ڤرۆ گۆت: ل سالا 1984 من ده‌ست ب كارێ شانۆیێ كریه و پشكداریا من یا ئێكێ د شانۆگه‌ریا(ده‌نگێ دایكێ) دا بوویه، ئه‌زسترانان ژی دبێژم، به‌لێ پتر خۆ دكارێ شانۆیێ دا دبینم.
میدیایێ گۆت: ل وی ده‌می ئه‌ز ئه‌نداما تیپا شێخو یا هونه‌ری بووم ل دهۆكێ، كو نوكه ناڤێ وێ تیپا روباده، ل وی ده‌می هه‌ستێ مه یێ كورده‌واریێ گه‌له‌ك یێ دژوار بوو مه نه‌دزانی چاوا دێ ده‌ربڕینێ كه‌ین ژ وێ چه‌ندێ، یا ددلێ مه دا مه جلكێن زه‌ر دكرنه به‌رخوه و مه ستران ب گۆلا زه‌ر دگۆت دا رژێم بۆمه نه‌خۆش نه‌كه‌ت ل وی ده‌می هونه‌رمه‌ندان (ئیسماعیل جومعه، عه‌بدولسه‌لام سلێمان، مقداد، نسره‌ت هادی) ل وی ده‌می وان دگۆته من سترانێ ب گۆلا زه‌ر بێژه و گه‌له‌ك كه‌یفا من هات، به‌لێ ل ئاسته‌نگ ژی هه‌بوون ژلایێ مرۆڤێن مه‌ڤه، به‌لێ ژلایێ خێزانێ ڤه یا ئازاد بووم، ل وی ده‌می گه‌له‌ك یا ب زه‌حمه‌ت بۆ كچه‌ك د بۆارێ شانۆیێ و سترانێ دا كاربكه‌ت و من گه‌له‌ك حه‌زدكر كارێن باشتر ژی بكه‌م، به‌لێ من ژیانا هه‌ڤژینیێ پێكئینا و ل ئه‌لمانیا ده‌رهێنه‌ر نه‌سرینێ ژیانا من هه‌موو كریه كورته فلمه‌كێ سینه‌مایی و ناڤێ فلمی ژی كریه گولا زه‌ر.
