میدیا و خهلاتێن وێ
ئهم ژی دهمهكی ژ دهمان كهفتینه وێ شاشیێ، هندهك میدیاكار هاتنه دهستنیشانكرن و گۆته مه ڤان میدیاكارێن دهستههل خهلات بكهن دێ ئهو ههست ب كارێ خوه یێ قهنج كهن و ههڤالێن وان یێن نههاتینه خهلاتكرن ژی دێ چاڤ لێ كهن، هوسا هوون دێ قهنجیهكێ ل وارێ مه یێ میدیایێ كهن، وێ رۆژێ قهیرانا د ناڤبهرا میدیاكار و سازیێن پیشهیێ یێن میدیایێ دا یا دهست پێ كری و ههتا نوكه چ چارهسهری بۆ نههاتینه دیتن.
ئهم مللهتهكێ سهیرین و وهكی چ گهل و مللهتان هزرا خوه ناكهین، مه بهرژهوهندیا گشتی و پێشڤهچوونا بیاڤی پێخۆش نینه هندی مه بهرژهوهندیا تایبهت پێخۆشه و ئێخستیه د خانا پیرۆزیێ دا، چهوا چێ دبیت ئهز رازی ببم ئێك رازی نهبیت، خوه ئهو ئێك كی بیت بهێته خهلاتكرن و ئهز د ناڤ خهلاتكریان دا نهبـم، ئهگهر ئهز نهشێم چ بكهم و چ ژ من نههێت دێ گازندا كهم و رهخنهكا زڤر و دژوار ل ئهكاونتێ خوه یێ فێسبوكێ ئینمه خوار، دا وان بهرپرسان ئاگههـ ژ من ههبیت، ما تو نزانی ل ڤی وهلاتی ماف ناهێنه دان، بهلكو بهرۆڤاژی دهێنه ستاندن و ب هێزا دهستان.
خهلاتكرن و خول و ووركشۆپ ل ڤی واری سهرناگرن، خوه بهێلنه ب هیڤی یا شیانێن كهسایهتی یێن میدیاكار ڤه و ئهو و یا ئهو دزانن، ژبهركو هنده هندی خول و ووركشۆپ هاتینه ڤهكرن و مفا تێدا نهبوویه، بهلگه ل سهر ڤێ بۆچوونێ مه چهند سازی ههنه ل ههمان ئاستێ خوهیێ بهرێ ماینه؟ و ئهگهر پاشڤه نههاتبن ئێك پێنگاڤ ژی پێش نهكهفتینه و دگهل وێ ژی میدیاكارێن وان پشكداری د دههان ڤان خول و ووركشۆپان دا كریه و ژ نوو بهرپرسێن وان سازیان ب پهسن و ڤهگهریان بۆ سالێن بۆری و مێژوویا سازیێن خوه ڤان ڤالاهیان پڕ دكهن، و ل بهرامبهری ژی چهند دهزگایێن میدیایێ ههنه تازه دهست بكار بووینه و شیاینه هندهك كهسان بێ خول و راهێنان و مهشقێن پیشهیی بینن بكهنه میدیاكار، بهلكو هندهك ژ وان میدیاكاران ژی كرینه كارمهندێن باش یێن پێشتر سازیێن بۆری ئهو راتهقاندین و گۆتیێ هوون ب كێر چهراندنا پهزی ژی ناهێن.
