میدیا و ههڕفاندنا ورهیان
پشتى رۆژا ئهنجامدانا ریفراندۆما سهربخوهیا كوردستانێ و راگههاندنا رێژا پتر 92% بۆ دهنگێ بهلێ كارڤهدانێن جودا پهیدابوون ژ عیراقێ و دهولهتێن دهردور
ئێك ژ ڤان كارڤهدانان ژى لهشكهركێشیا پۆلیسێن فیدرالێ و حهشدا شهعبى یا شیعى بوو, بۆ سنورێن كوردستانێ و دهڤهرێن كوردستانى كو ئهڤ روودانه نه ب تنێ ژلایێ چاڤدێران و سیاسیان پێشبینى كرى بوون، بهلكو كهسێن ئاسایى یێن جادا كوردى ژى ئهڤ رهنگه پێشبینى یهدكر لهورا ژى ههبوونا ڤان هێرشان مهندههۆشى پهیدا نهكر
و بهرههڤى و ئامادهباشى ههبوون ب گۆتنا شارهزایێن سهربازى، پشتى ئالۆزى كهفتى یه باژێرهكێ وهكى كهركووكێ ب دو قووناغان پاشڤهزڤرین پهیدا بوو، ئهڤه ژى ب ناڤێ تهكتیكێن لهشكرى هاته دیتن ژلایێ ب سپۆرێن سهربازى ڤه و هندهكا ژى ب شاشیهكا تهكنیكى بناڤكر،
ئهڤه ژى رهنگه ئاسایى بیت ئهگهر ئهم بزانین شهڕى دو ئهنجام ههنه، ئهو ژى شكهستن یان ژى سهركهفتن لێ یاكو د ڤان روودانان دا بوویه جهێ سهرسورمانێ سهرهدهریا هندهك كهنالێن میدیایێن كوردى بۆ ل گهل ڤان روودانان و ئهو تشتێن ژ نیشكان ڤه دهاتنه دیتن كو د لایڤ و رۆمالێن خوهدا ب وێنه و گۆتن پاشڤه زڤرین و ب جه هێلانا پێشمهرگهى ڤهدگوهاست و دگۆت ئهڤه هێزێن فلان هێزێ و بێڤان هێزێنه سهنگهران ب جه دهێلن!
ژمن ڤه ڤان رهنگه رهفتاران زییانێن ههمهجۆر ههنه بۆ ههڕفاندنا وڕهیا خهلكێ جادێ (بینهر و گوهدار) ـان دلشادكرنا دوژمنان ب وان وێنه و روودانان یێن كو میدیایێن كوردى ڤهدگوهاستن گومانا وى بوونا سهربخوهیى و بێ لایهنى یا وان دهزگههێن میدیایى یێن كو ناڤێ ڤى سهركردهى و ئهوێ ههنێ ل گهل گونههبار دیاركرنا وان ب دانا بریارا رهڤێ ژ لایێ وان ڤه داجوانتر بیت كو ئهڤ چهنده بۆ لیژنهیێن دووڤچوونێ و سهركردایهتیا كوردى مابا و گونههباركرن نهژ دوور و نهژ نێزیك ئهركێ میدیاكاران نینه. راسته سهردهمیترین پێناسه بۆ نووچهى (ڤهگوهاستنا ههر روودانهكێ وهكى ههى) یه لێ پێدڤى یه ل جهێ ناڤێ لایهن داریێ بۆ ڤى كهسى و ئهوێ ههنێ یان ڤى گرۆپى و ئهوا ههنێ لایهندارى بۆ ئاخێ و وهلاتى و پیرۆزیێن نهتهوهیى بیت وى دهمى نهمیدیایا كوردى دوژمنان ب لایڤێن دلشاد دكهت نهژى ژێیاتی یا هێزێن كوردى بۆ تاكهكهسان دبیت كو ب مهسجهكێ یان ب بریارهكێ ئاخا وهلاتى ب جه بهێلن.