میرا د ئەڤ سالە دا بتنێ سترانێن بەهدینی دێ بەلاڤ کەت
ھونەرمەند، میرا عەلی پشتی کو دووماھی ڤیدیۆ کلیپا خوە یا ب ناڤێ (تە ژبیرناکەم بەلاڤکری) بریار دایە د ئەڤ سالە دا ب تنێ سترانێن بەھدینی بەلاڤ کەت و کار ل سەر وێ چەندێ ژی کریە کو ئێدی پتر ل پارێزگەھا دھۆکێ بھێتە دیتن بۆ گێرانا ئاھەنگان.
میرا عەلی دبێژیت: کو ئەز ب خوە خەلکێ باژێرێ دھۆکێ و گۆندێ باجلۆرێ مە ئانکو دۆسکی مە، لەوما فەر دبینم کو ئێدی زێدەتر کار لسەر بەرھەمێن بەھدینی بکەم ژبەر کو مافێ حەز ژێکەرێن دەنگێ منە ل ڤێ دەڤەرێ و ئەڤ گازندە ژ مێژە ژمن دھاتەکرن و لەوا نوکە چەند بەرھەمێن نوو یێن بەھدینی لبەر دەستێ من ھەنە و د ئەڤ سالە دا و تا سالا بھێت ژی دێ چەندین بەرھەمێن بەھدینی بتنێ بەلاڤ کەم و گرنگ ئەوە ببیتە جھێ رازەمەندیا حەزژێکەرێن دەنگێ من.
ناڤھاتی دیار کر کو دو بەرھەمێن وی یێن داھاتی ئێک ژ پەیڤێن، ھەلبەستڤان سەلمان شێخمەمی و ئاوازا ھونەرمەند عەبدولقەھار زاخۆیی یە و بابەتێ سترانێ ژی ل سەر بابێ یە و ھاتیە تۆمارکرن ژی، سترانا دی پەیڤێن ھەلبەستڤان سەلمان شێخمەمی نە و ئاواز یا من ب خوەیە و یا سیێ ژ پەیڤێن عەبدولقھار زاخۆیی نە و ئاوازا ھونەرمەند ھەلکەوت زاھرینە.
میرای ئاشکرا کر کو سترانا وی یا ب ناڤێ، تە ژبیر ناکەم ژ چیرۆکەکا راست و دروست یا وی ب خوە ھایتە دروستکرن و ئەو ستران گەلەک دەربرینێ ژ وی ب خوە دکەت و گۆت ژی، کو سترانەکا من یا نووی ژی کو ل نێزیک دێ بەلاڤ بیت کو ل سەر بابێ یە من ئەو ژی گۆتیە بۆ روحا بابێ خوە یێ کو بەری چار هەیڤان وەغەرکری.
