میر زچكانێ
میر زِچكانێ ئێك ژ كهڤنترین یارێن كوردهوارینه، كو نوكه زارۆكێن مه چ هزر ل سهر نهمایه و ههروهسا هاتییه ژبیركرن.
لێ تشتێ باش ئهوه كو ئهڤ یارییه دهێته كرن دناڤ سیایهتڤانێن مهدا و نههاتیه ژبیركرن! حنێرا ڤێ یاریێ ئهوه كو ئێك یێ دی زِچ كهت!
دقهواراندا یاریكهر ههی و نهیێ خوه دانیت داكو بهركێ خوه بكهته دوو.
د ناڤ سیایهتمهدارێن یاركهر دا خشیم و نهزان ژی ههنه، ئانكو هندهك ژنووكا یێ یارێ دكهت و دلێ خوهدا دێ یاریكهرێ چهلهنگ زِچ كهت!.
هندیكه یاریكهری َ چهلهنگه، زِچكێت مهزن دانیت و هندهك بهركێن خوه پێشكێش دكهت دا یاری بهردهوام ببیت.. .
بزاڤا گوَڕان ژههموو ئاقلێ خوه و ب ههموو بهركێن خوه ڤه یا یاریێ دكهت و دڤێت پارتیێ زِچ كهت! ئهو نزانیت ئهڤه ژ سالێن شێستا وهره پارتی یا د زِچینیت و سهركێشه! دهمێ گوَڕان هاتییه د پهرلهمانی دا یهكهمین زِچبوو ئهوێ كری و ب دلێ وێ بوو هێشتا بكهت، رابوو ب ئاقلێ هندهكێن دی و بیانی یاری كر تا دیار و ئاشكهرا بووی پشتهڤانێن وێ كی بوون!
ل بهری چهند رۆژا ژی ل باژێرهكێ بهعسیا وێنێ یاریكهرێ خوه بلند كربوو و نهرازیبوونا خوه دیار دكرن كو یا ژ یارێ دهركری.
تشتێ سهیر و بكهنی ئهو بوو كو دوژمنێ دیموَكراتییهتێ یێ ل سهر سفرا دیموكراتیهتا مه دترسیت كو نهههقی یا پهیدا دبیت پشتی هاتینه زِچكرن.
تشتهكێ ئاساییه كو یاری ب پشكداربوونا گهلهكان ب رهوشتره، لێ یا نهخوهش ئهوه یاریكهر ب ئاقلێ ئێكێ دی بلهیزیت! ژبهر هندێ ئهو زِچكرنا گوَڕانا دیتی ب سالان ژی نێزیكی یارییا سیاسی نابیت.
زِچكرن د ڤێ یاریێ دا نه تنێ كوَمكرنا بهركایه! بهلكو برنا بهركایه ل دووماهیكێ.
دبیت جارهكا دی بهێته یاریێ ڤه، و دێ دهرفهت ژی بۆ ههبیت لێ دڤێت ژبیرا وێ نهچیت دهمێ خهلهتی كری و بوو ئهگهرا زِچكرنا وێ!.
بلا ئهم ژ كولتوَرێ خوه نهترسین كو یێ بنبڕ دبیت یاریێن مه یێن كوردهواری نه هاتینه ژبیركرن بهلكو یێن د پاخلێن مهزنێن مه دا ماین.
