میزانیا دارایی رێگره هه‌مبه‌ری ب جهئینانا پلانێن زاخۆ
ئه‌ڤرۆ،عه‌لی حاجی :
د داخویانیه‌كێ دا رێڤه‌به‌رێ تیما ته‌پاپێی یا یانا زاخۆ ئه‌وا پشكدار د خولا پلا نایابا ئێراقێ دا بۆ رۆژناما ئه‌ڤرۆ دیاركر كو لدویڤ میزانیا خوه ئه‌و دێ گرێبه‌ستا ل گه‌ل یاریزانا ئیمزاكه‌ن و ژبه‌ر لاوازیا وێ نه چارن گرێبه‌ستێ ل گه‌ل یاریزانێن پیشه‌كار گڕێده‌ین.
زێده‌تر ته‌ها زاخۆیی گۆت: د پلان دا بوو هژماره‌كا باش یا یاریزانێن خودان شیان سه‌ر ئاستێ ئیراقێ بۆ تیما خوه بینن و چه‌ند ژ وان به‌رهه‌ڤیا خوه دیاركریه لێ ژبه‌ركو نه چێگریا میزانیا دارایی و كارتیكرنا وێ كو ل گه‌ل یاریزانه‌كی گه‌هشتینه رێكه‌فتنا ده‌ستپێكی لێ ژبه‌ركو یانه‌كا ئیراقێ كۆژمێ گرێبه‌ستێ بۆ زێده‌تر كریه و مه شیانێن وان نه بووینه، له‌ورا ئه‌ڤچه‌نده بوویه رێگری پلانێن مه یێن ئینانا یاریزانا نه‌چاربووینه لدیڤ شیانێن دارایی پێنگاڤا هاڤێژین ژوانا ئینانا هنده‌ك یاریزانین باش و گه‌نج و چاره‌سه‌ركرنا خالێن لاواز و یاریزانێ یه‌ده‌ك ژی به‌رهه‌ڤبیت ژبه‌ركو ئارمانجا مه د خولێ دا سه‌ركه‌فتنه.
هه‌روه‌سا ناڤهاتی گۆت: ل هێلا هێرشبه‌ریێ مه كێماسی هه‌نه ئه‌ڤچا بزاڤا دكه‌ین بۆ ئینانا یاریزانه‌كێ خودان شیان و ئه‌م دانوستاندنێ ل گه‌ل پیشه‌كاره‌كێ كامیرونی كرینه و گه‌هشتینه رێكه‌فتنا دووماهیێ ب تنێ ئاریشه‌یا ل گه‌ل یانا خوه چاره‌سه‌رنه‌كریه و چاڤه‌ڕیێ نه نێزكترین ده‌م گرێبه‌ستا وی ئیمزابكه‌ین لێ هه‌كه چاره‌سه‌ر نه‌بوو دێ مه پێگهورێ وی هه‌یه و یێ به‌رهه‌ڤه.
