میسی خرابترین رێزبەند ل 12 سالان دا تومارکر
ئەڤرۆ نیوز:
یاریزانێ ئەرژەنتینی یێ تیما تەپا پێ یا یانا بەرشەلونە یا ئسپانی نەشیا سەرکەفتنێ د بەریکانا ب دەستڤەبرنا خەلاتێ تەپا زێری یا باشترین یاریزانی ژلایێ گوڤارا فرانس فوتبول ب دەستڤە ببەت.
د راگەھاندنا ئەنجامێن راوەرگرتنێ دا جیڤانوکا تەپا پێ یا ئەرژەنتینی لیونێل میسی ل رێزا پێنجێ ھات پشتی مودرێج یێ کرواتی و یانا ریال مەدرید ئەوێ ب باشترین یاریزان ھاتیە خەلاتکرن و دویڤدا کریستیانو رونالد و ئەنتونیو گریزمان و کیلیان مبابی.
رێزا پێنجێ بو جارا ئێکێ یە ژ سالا 2006 وەرە میسی ب دەستڤە دئینت و ب خرابترین رێزبەند بو دھێتە ھژمارتن.
ل دور ڤێ چەندێ ڤیسینتی دیل بوسکی راھێنەرێ بەرێ یێ ریال مەدرید و ھەلبژارتیێ ئسپانیا دوپاتکر ئەڤ خەلاتە دێ بھایێ خوە ژ دەست دەت ھەکە میسی یێ ئامادە نەبیت و راھێنەرێ نوکە یێ بەرشەلونە فالڤێردی ئاماژەکر یا سەیربوو میسی د ھەڤرکیا پێشیێ دا نەبوو.