میکائیل عەزیز كلیپەكا نوو دێ بەلاڤكەت
زنار تۆڤی:
سترانبێژ (میكائیل عەزیز) خەلكێ باژێرێ ئامەدێ یە ل باكورێ كوردستانێ، لێ چەند سالن ل وەلاتێ ئەلمانیا دژیت، د دیدارەكێ دا بۆ رۆژنامەیا ئەڤرۆ دگۆت: د ئەڤ سالە دا من ئەلبۆمەكا سترانان ب ناڤێ (ئەم) تۆماركریە، كو ژ 12 سترانان پێك دهێت و هەتا نوكە من سترانا (لۆ خوە دایۆ، خۆشی، ئادارە، سندۆقا دل) كلیپكرینە و ل ڤان رۆژان ژی دێ سترانا دایكا من كلیپكەم و من ل بەرە وان سترانان هەموویان كلیپ بكەم و ل پلاتفۆرمێن خۆ بەلاڤ بكەم.
هەروەسا گۆت: هەتا نوكە من هژمارەكا كلیپان بەلاڤكرینە و من ڤیایە ب رێیا دەنگێ خۆ خزمەتا هونەرێ كوردی بكەم، هەروەسا ئەز حەز دكەم سترانێن دویت ژی ب زمانێ كوردی و ئەلمانی ل گەل سترانبێژێن ئەلمانی بێژم و ئەزحەز دكەم هەموو ستایلێن مۆزیكێ دناڤ هونەرێ كوردی دا هەبن، بەلێ ب تام و روحا كوردی بن.
