میگا هاتریكا مێسی و تۆمارا گۆلكه‌ران
ئه‌ڤرۆ،
ستێرێ هه‌لبژارتیێ ئه‌رجه‌نتین و یانا پاریس سانجێرمان لیونێل مێسی میگا هاتریك ئانكۆ پێنچ گۆل د یاریا هه‌ڤالینی دا ل گه‌ل هه‌لبژارتیێ ئه‌ستونیا تۆماركرین.
لدووڤ تۆرا سكۆاكا یا پله‌داریێ و ژمێریاریێ كو میگا هاتریكا یاریا ل گه‌ل ئه‌ستۆنیا دئێك یاری دا دبیته یا دویێ پشتی میگا هاتریكا ل سه‌ر یانا بایرن میونخ یا ئه‌لمانی ئینایی ئه‌وا یانا به‌رشه‌لۆنا سه‌ركه‌فتی ب حه‌فت گۆلا به‌رامبه‌ر گۆله‌كێ ل وه‌رزێ 2012ێ یێ چامپیۆنێز لیگێ دا، ژلایێ خوه‌ڤه تۆرا هۆسكۆرد ئه‌وچه‌نده دیاركر مێسی ل گه‌ل پاریس سانجێرمان بتنێ شیایه شه‌ش گۆلان د26ی یاریان دا تۆماربكه‌ت، لێ بتنێ د 76 خوله‌كێن یاریا ئه‌رجه‌نیتن و ئه‌ستونیا شیا پێنچ گۆلان لدووڤ ئێك بینت، لێ هێرشبرێ بایرن میۆنخ رۆبێرت لیڤاندوڤێسكی ژی خودان میگا هاتریكه كو شیایی د خولا بۆندزلیگایی دا پێنچ گۆلان ل سه‌ر یانا فۆلفسبۆرگ بینت كو د ده‌مه‌كێ پیڤایی دا د نه‌ه خوله‌كان دا پێنچ گۆل تۆماركر، به‌ری وی مایكل تۆنیێز ل 1991 شیابوو بۆ تیما خوه دویسبۆرگ پێنچ گۆلان د ئێك یاری دا تۆماربكه‌ت
- مه‌زنترین رێژا گۆلكرنێ
یاریزانێ ئوسترالی ئارتچی تۆمبسۆن خودانێ نمرا پیڤایی یا تۆماركرنا گۆلایه د ئێك یاری دا ژ چارچووڤێ قاره‌مانیێن نێڤده‌له‌تی، ل ڤاڤارتنێن مۆندیالا 2002 شیابوو 13 گۆلان سه‌ر هه‌لبژارتیێ گزیرتێن سامۆایا ئه‌مریكا بینت و ب 31 گۆلان تیما وان سه‌ركه‌فتنێ تۆماربكه‌ت، دهێته زانین ئه‌و یاریزانێ سێ گۆلا د ئێك یاری دا تۆماربكه‌ت دهێته هژمارتن هاتریك، یێ چار گۆلان دبیته سۆپه‌ر هاتریك، یێ شه‌ش گۆلان دوبل هاتریك،لێ یێن حه‌فت و هه‌شت دیارنه‌بوویه، بتنێ یا نه‌ه گۆلان كو دبێژنێ تریبل هاتریك.
