مێرخاس دۆسكی بۆ خولا هۆلەندا داخواز كرییە
قەیس وەیس:
ل دووڤ ژێدەرێن رۆژنامەڤانی یێن ئیراقی دیار كرینە كو ستێرێ هەلبژارتیێ فوتبۆلا ئیراقێ و یاریزانێ ڕەڤەندا كورد ل ئۆرۆپا و یانەیا سلۆڤاكۆ یا چیكی مێرخاس غازی دوسكی ژلایێ یانەیا هێرنڤین یا هۆلەندی بزاڤێن دەستڤەئینانا وی دهێتە كرن و ئەڤە بۆ ماوەكەچاڤدێرییا وی هاتیە كرن .
د ڕاپۆرتەكێ دا هاتییە پشتی یارییا هەلبژارتیێ ئیراقێ و فلەستینێ ژ چارچووڤەیێ ڤاڤارتنێن ئاسیا دەربازبوون بۆ مۆندیالا جیهانی 2026ێ راهێنەرێ یانەیا هێرنڤین یا هۆلەندی ڤان پێرسی ستێرێ هەلبژارتیێ ئیراقێ یێ كورد مێرخاس دۆسكی كرییە دناڤ پلانا خوە یا ئینانا وی بۆ ناڤ رێزێن یانەیا هۆلەندی دا و دێ بزاڤێ كەت هەتا دەرگەهێ ڤەگۆهاستنێن زڤستانێ ڤەبن گرێبەستا وی ئیمزابكەن، پشتی یاریزانێ ڕەڤەندا ئیراقی مونتەزەر ماجد ب دو ملیۆن یۆرۆیان ئینایە دناڤ رێزێن تیما خوە دا.
هەروەسان دیاركر بۆ ماوەیێ دو هەیڤە ل دووڤ لژنەكا تایبەت دۆڤچوونا مێرخاسی دهێتە كرن و دێ ل ڤەگۆهاستنێن زڤستانێ بزاڤێن ئینانا یاریزانەكێ هێلا بەرەڤانیێ و لایێ چەپێ كەن، پێخەمەت چارەسەكرنا كێماسیێن پێكهاتیێ خوە، ل دووڤ ئەوان ژێدەران ناڤێ یاریزانێ كورد خەلكێ پارێزگەها دهۆكێ و ڕەڤەند ل ئۆرۆپا مێرخاس غازی ژلایێ راهێنەری ڤە یێ هاتییە دناڤ لێگەرێن چاڤدێریێ دا و دوور نینە د ماوەیێ بهێت دا پەیوەندی ب یاریزانی بهێتە كرن ژبۆ دەستنیشانكرنا ژڤانەكێ تایبەت بۆ ئەنجامدانا دانۆستاندنان، راهێنەرێ هۆلەندی رژدە ل سەر ئینانا وی بۆ ناڤ رێزێن تیما خوە.
بۆ زانین مێرخاس غازی دوسكی یاریزانێ هەلبژارتیێ ئیراقێ دناڤ ئێك ژ 10 مەزنترین خولێن ئۆرۆپا دایە و دەلیڤەكا باش یا هەیی دگەل یانەیا خوە سلۆڤاكۆ یا چیكی بۆ پشكداریێ د چامپیۆنز لیگ دا یان ژی خولا ئۆرۆپا و خولا كۆنفراسن یا ئۆرۆپی دا.
