مێرخاس دۆسكی بۆ قارەمانیا شاهێ تایلەند هاتە داخواز كرن
قەیس وەیس:
راهێنەرێ هەلبژارتیێ ئیراقێ یی تەپا پێی 23 یاریزان بۆ قارەمانییا كۆپا شاهێ تایلەند داخوازكرینە ئەوا دهێتە چاڤەڕێ كرن هەڤڕكیێن وێ ل حەفتێ مەها بهێت دەستپێبكەت، 14 یاریزانێن پیشەكار ژوانا یاریزانێ ڕەڤەندا كورد ل ئۆرۆپا مێرخاس دوسكی وەكو تاكە یاریزانێ بەهدینی و پارێزگەها دهۆكێ دناڤ پێكهاتیێ ئیراقێ دا یە.
راهێنەرێ ئیراقێ یێ ئسپانی خیسۆس كاساس دیاركر پشكدارییا وان د قارەمانیێ دا گەلەك یا گرنگە و دێ بەرانبەری هەلبژارتیێن كێشوەرێ ئاسیا بن ژوان یێن بڕیارە د ڤاڤارتنێن مۆندیالا جیهانی و ئاسیا یاریێ دژی وان كەن و گۆت: پێكهاتیێ ئیراقێ بۆ قارەمانیێ تایبەتمەندیا خوە یا هەیی، ژبەركو چەند یاریزان هنگاڤتینە و چەند د قۆناغا چارەسەریێ دانە لەوما پرانییا وان یێن ئۆلمپی نە.
ئەو یاریزانێن هاتینە داخوازكرن، جەلال حەسەن، فەهد تالب، ئەحمەد باسل، عەل عەدنان، رێبین سۆلاقا، مەناف یونس، ماسێس ئارتین، حسێن عەلی، فرانس زییا، مێرخاس دوسكی، ئەحمەد یەحیا، ئوسامە رەشید، ئەمجەد عەتۆان، ئەمیر ئەلعماری، ئیبراهیم بایش، ئەندرێ ئەلسناتی، حسێن عەلی، بەشار رەسەن، ئەحمەد فەرحان، زێدان ئیقبال، ئەیمەن حسێن، موهەنەد عەلی و عەلی ئەلحمادی.
