مێسی: ئێدی تەپا زێڕی بۆ من گرنگ نینە
ستێرێ ئەرجەنتینی و یاریزانێ یانەیا ئەنتەر میامی یا ئەمریكی دیار كر ئێدی بۆ وی گرنگ نینە تەپا زێری ب دەستڤە بینت و ناسناڤێ مۆندیالا جیهانی 2022ێ ئەو هەمی ئۆمێدێن وی ب جه ئینان.
مێسی بۆ تۆرا Titan Sports یا چینی گۆت: هەرچەندە ب دەستڤە ئینانا وێ گەلەك باشە لێ یا گرنگ نینە شەڕی بۆ بكەم تایبەت پشتی ب دەستڤەئینانا ناسناڤێ مۆندیالا جیهانی، ئەز گەهشتمە هەمی هیڤیێن خوە ، ژ كاروانێ خوە یی وەرزشی رازیمە، هەر هیڤیەك و خەونەكا من بۆ شەڕ د كری گەهشتیمە ئارمانجا خوە، ئێدی ئەز دێ هزرا خێزانا خوە و یاریێ دگەل یانەیا میامی ل ئەمریكا كەم وەكو قۆناغا دووماهیێ.
ل دۆر پشكداریا وی د مۆندیالا 2026ێ دا گۆت: بەری مۆندیالا قەتەر 2022ێ من راگەهاند بوو ئەڤە دووماهی پشكداریا منە، لەوما من هزر نینە پشكداری مۆندیالا 2026ێ دا بكەم ل ئەرجەنتینێ گەلەك یاریزانێن باش هاتینە و دێ پشتەڤانیا وان كەم بۆ مۆندیالا بهێت.
