مێسی بوو پاریس سانجێرمان
ئه‌ڤرۆ،
پشتی ده‌ربازبوونا دو رۆژان ژ راگه‌هاندنا دیرۆكی یا بڕیارا وی و نه ئیمزاكرنا گرێبه‌ستا یانا به‌رشه‌لۆنا، لدویڤ رۆژناما لیكیب یا فره‌نسی چاڤه‌ڕێ دهێته كرن ئه‌ڤرۆ ب شێوه‌كێ فه‌رمی ستێرا ئه‌رجه‌نتینی یاریزان لیونێل مێسی گرێبه‌ستا خوه یا نوو ل گه‌ل یانا پاریس سانجێرمان بۆ دو وه‌رزان ل گه‌ل نووكرنا وه‌رزێ سێیێ ئیمزابكه‌ت، پشتی ل گه‌ل كارگێریا یانا پاریس سانجێرمان گه‌هشتینه رێكه‌فتنێ ب مووچه‌كێ سالانه 35 ملیۆن یۆرۆیان بێی دانا باچه‌یێن حوكمه‌تێ.
د هه‌مان رۆژنامێ دا دیاركریه كو گرێبه‌ست مێسی یێ 34 سالی هه‌تا 2024ێ یه و شیانێن هه‌ین بۆ وه‌رزێ سێیێ ژی ئیمزابكه‌ن و مێسی دێ ژماره 30 كه‌ته به‌رخوه پشتی رازی نه‌بوو ژماره 10 ب كه‌ته به‌رخوه وه‌كو رێزگرتن بۆ هه‌ڤالێ خوه یێ به‌رازیلی نه‌یمار دا سێلڤا و دیاركر كو ئه‌ڤه دبیته گرێبه‌ستا پێنجێ یا یانا فره‌نسی پشتی هه‌ر ئێك یاریزانان یێ ئسپانی و ریال مه‌دریدێ سێرجیۆ رامۆس، یێ هوله‌ندی و لیڤه‌رپۆلا ئنگلێزی جۆرجۆنیۆ ڤینالدۆم، گۆلپارێزێ ئه‌نتر میلانا ئیتالی جیجی دۆنارۆما و دیسان ئه‌شره‌ف حه‌كیمی.
