مێسی دێ کودەتایەکێ ئەنجام دەت
ئەڤرۆ نیوز:
ستێرا ئەرژەنتینی و یانا بەرشەلونە لیونێل مێسی یێ بزاڤێ دکەت سەرکێشیا کودەتایەکێ بکەت دگەل ھژمارەکا یانێن ئسپانی دژی بریارا ئەنجامدانا یاریێن خولا لیگا ل وەلاتێن ئەمریکا باکور.
رۆژنامەیا مێل ئونلاین و ئاس یێن ئسپانی ئەڤ بابەتە بەلاڤ کریە و ئاماژە دایە وێ چەندێ ل حەفتیا بوری بەرپرسێن ئێکەتیا تەپاپێ یا ئسپانی راگەھاندبوو کو دێ ھژمارەکا یاریێن خولێ ل وەلاتێ ئەمریکا ھێنە کرن ل دووڤ رێککەفتنەکا ١٥ سالی دگەل کومپانیەکا وەرزشی یا ئەمریکی پێخەمەت پێشخستنا یاریا تەپا پێ ل کیشوەرێ ئەمریکا باکور، ڤێ بریارێ نە رازیبونەک ل دووڤ خوە پەیداکریە و کاپتنێ یانا بەرشەلونە لیونێل مێسی دێ دگەل چەندین یانێن دی یێن ئسپانی یێن پشکدار د خولێ دا دێ نە رازیبونەکێ ل سەر ڤێ بریارێ بەرامبەر بریارا سەروکێ لیگایێ ئەنجامدەن و ئەو حەز ناکەن یاریێن خولێ بەنە وەلاتەکێ دی و سەروکێ ئێکەتیا تەپا پێ یا ئسپانی دایڤێد ئێگناسیو نەرازیبونا یانێن ئسپانی گەھینتە سەروکێ لیگایێ خافیێر تیباس ژ ئەگەرێ نە وەرگرتنا بوچونا وان بۆ ھەر بریارەکێ.
