مێسی: ناسناڤێ كۆپا تایبه‌تمه‌ندیا خوه ل ده‌ڤ من هه‌یه
ئه‌ڤرۆ،
ستێرا ته‌پا پیێ یێ هه‌لبژارتیێ ئه‌رجه‌نتین لۆنێل مێسی كه‌یفخووشیا خوه دیاركر كو شیایی ناسناڤێ كۆپا ئه‌مریكا 2021 ب ده‌ستخوه‌ڤه بینن وه‌كو ناسناڤێ ئێكێ یێ ده‌وله‌تی ل گه‌ل هه‌لبژارتیێ خوه كو تایبه‌تمه‌ندیا خوه ل ده‌ڤ ئه‌وی هه‌یه، پشتی دوهی هه‌لبژارتیێ ئه‌رجه‌نتین شیایی د یاریا دووماهیێ دا سه‌ركه‌فتنێ لسه‌ر به‌رازیل تۆماربكه‌ت ب گۆله‌كێ بێی به‌رامبه‌ر و ژمارا ناسناڤان ب گه‌هینه 15 ناسناڤان.
د دیداره‌كێ دا بۆ رۆژناما موندۆ دیبۆرتیڤۆ یا كاته‌لونی ستێرا جیهانی لیۆنێل مێسی گوت: ئه‌ز پێدڤی بڤێ ناسناڤی بووم وه‌كو ستریه‌كێ دناڤ له‌شێ من دا مابوو ئه‌وا چه‌ندین ساله مه بزاڤ دكرن ده‌ستخوه‌ڤه بینن و هه‌روه‌سا كه‌یفخووشم كو لدووماهیێ شیایم ده‌ستكه‌فته‌كێ مه‌زن بۆ وه‌لاتێ خوه ژی ب ده‌ستڤه‌بینم، ئه‌ڤه چه‌ندین ساله من پێشبینی دكر ئه‌ڤ رۆژه دێ هێت، گه‌له‌ك یاریێن دووماهیا قاره‌مانیان دا ئه‌ز ب گری ژ یاریگه‌هێ ده‌ركه‌فتی مه لێ ئه‌ڤچاره ب شادی و مه‌زنترین ده‌ستكه‌فت بوو كو ب گیانێ كۆم و ئارمانجه‌كا مه‌زن ژ یاریگه‌هێ هاتیمه، سه‌ره‌رایی یاریا ل گه‌ل به‌رازیل یێ هنگاڤتی بووم لێ درێسێ ئه‌رجه‌نتین ئه‌وچه‌نده نه‌هێلا بوو ل هزرا من و رژدبووین ب گه‌هینه ئارمانجا خوه، بۆ مۆندیالا جیهانی 2022 باشتر و هێزتر دێ هێنه دناڤ قاره‌مانیێ دا و ناسناڤ مه دڤێت.
بۆ زانین لۆنێل مێسی وه‌كو باشترین یاریزانێ قاره‌مانیێ و گۆلكه‌ر ب تۆماركرنا چار گۆلان هاته خه‌لاتكرن.
