مێسی چاڤ ل ناسناڤێ هەشتێ یە و هالاند بەربژارێ ب هێزە
ب فەرمی گۆڤارا فرانس فۆتبۆل یا فرەنسی لیستەیا ناڤێن 30 یاریزانێن بەربژار بۆ تەپا زێری وەكو باشترین یاریزانێ سالا 2023ێ، لیونێل مێسی ستێرێ ئەرجەنتینی و یانەیا ئەنتەر میامی یا ئەمریكی نێزكترە ژ هەمی یاریزانان بەرامبەر دا ئیرلینگ هالاند ستێرێ نەرویجی و یانەیا مانچستەر ستی یا ئنگلتەرایێ بەربژارێ ب هێزە بۆ ناسناڤێ چارێ.
سەرباری چوونا ستێرێ ئەرجەنتینی لیونێل مێسی ژ پاریس سانجێرمان بۆ ئەنتەر میامی یا ئەمریكی، ل دووڤ شرۆڤەكارێن وەرزشی دوور نینە ئەو ناسناڤێ خوە یێ هەشتێ ژی ببەت، ژبەركو د وەرزێ 2022-2023ێ دا دگەل پاریس سانجێرمان ناسناڤێ خولێ و كۆپا فرەنسا دەستڤە ئینایە، بەری وێ ناسناڤێ مۆندیالا جیهانی 2022،ژلایێ خوەڤە ئیرلینگ هالان بەربژارێ بهێزە پشتی دگەل یانەیا خوە شیایی خولا و كۆپا یێن ئنگلتەرایێ بدەستڤە بینت دیسان چامپیۆنز لیگ.
ئەو یاریزانێن دێ هەڤڕكیێ بۆ ناسناڤی كەن، لیونێل مێسی(ئەنتەر میامی)، ئیرلینگ هالاند، كیڤن دی برۆین، رۆبێن دیاز، یۆشكۆ چڤاردیۆل،رۆدری،بیراندۆ سێلڤا و جولیان ئالڤارێز(مانچستەر ستی)، ڤێنێسیۆس جۆنیرۆ، لۆكا مۆدرێچ، جۆد بیلینگهام و لۆكا مۆدرێچ(ریال مەدرید)، ئیگاردی گۆندۆگان و رۆبێرتۆ لیڤاندۆڤێسكی(بەرشەلۆنا)، نیكۆلۆ بارێلا( ئەنتەرمیلان)، كەریم بنزێما(ئیتحاد) یاسین بۆنۆ(هیلال)، ئەنتۆان گرێزمان(ئەتلەیكۆ مەدرید)، كیم مین جای، جمال مۆسێلا، هاری كین( بایرن میۆنخ)، كێلیان مباپی و راندال كۆلۆ موانی( پاریس سانجێرمان، ئیمیلیانۆ مارتینێز(ئاستۆن فێلا)، خیڤیتچا كڤارتسخیلینا(ناپۆلی)، یۆكایۆ ساكا و مارتن ئۆدیگارد( ئارسنال، ئندرێ ئۆناتا(مانچستەر یۆنایتد)، فیكتۆر ئۆسیمین ( ناپۆلی)، محەمەد سەلاح( لیڤەرپۆل).
