مێسی ڕیكۆردێن دیرۆكی تۆماركرینە
ستێرێ ئەرجەنتینی لیۆنێل مێسی و یاریزانێ تیما فوتبۆلا یانەیا میامی یا ئەمریكی جهێ خوە دناڤ لیستەیا یاریزانێن ڕیكۆرد شكێنیت و تۆماركر ل سەر ئاستێ جیهانێ دا پاراستییە و بوویە ئێكەم یاریزانێ دیرۆكی پترترین ناسناڤان ل خولێن جودا و ناسناڤێن كەسۆكی ب دەستڤە ئیناینە.
ل دووڤ پەیچێ ئاماران Pro-Football-Reference یا ئەمریكی دیاركرییە كو لیۆنێل مێسی د 1137 یارییان دا دگەل یانە و هەلبژارتیێ وەلاتێ خوە دا كرییە، 896 گۆل تۆماركرینە، هەروەسان 406 ئەسیست هەنە، ژ وانا 60 گۆل هاتریك بووینە، دیسان 69 گۆل ب لێدانێن پەنەلتیێ بووینە، 105 گۆل ژ دەرڤەیی دەڤەڕا پەنەلتیێ بووینە، هەروەسان پشكداری د 1302 گۆلان دا كرییە كو پترترین ڕێژەیە د دیرۆكێ دا، دیسان هەتا نوكە 48 ناسناڤێن جودا هەنە و خودانێ هەشت خەلاتێن بالۆندۆرێ یە و شەش پێلاڤێن زێرین باشترینێ جیهانێ كو ئەڤ هەرسێ خەلاتە ڕیكۆردێن جیهانی نە.
