مێسی گەهشتە وەلاتێ سعودیێ
ئەڤرۆ
دوهی ل دانێ سپێدێ ستێرێ ئەرجەنتینی و یانەیا پاریس سانجێرمان یا فرەنسی لیۆنێل مێسی گەهشتە وەلاتێ سعۆدیێ د سەرەدانەكا ژ نشكەكێ ڤە بۆ وی وەلاتی.
ل دووڤ میدیایێن وەلاتێ سعۆدیێ دوهی ل سپێدێ لیۆنێل مێسی دگەل هەڤژینا خوە ئەنتۆنیلا و زارۆكیێن خوە و بریكارێ خوە گەهشتنە پایتەختێ ریاز یێ سعۆدیێ د سەرەدانەكا نە هاتیە راگەهاندن و ژ نشكەكێ ڤە، لێ كەسێن نێزیك ژ ستێرێ ئەرجەنتینی هاتنا وی بۆ دووڤچوونا بەندێن گرێبەستا بەری چەند هەیڤان دناڤبەرا وی و لایەنێ سعۆدیێ هاتیە كرن كو مێسی بوویە بالیۆزێ گەشت و گۆزارێ ل ئەوی وەلاتێ عەرەبی، لێ ئەو چەندە دوور نەكریە كو یانەیێن هیلال، ئتیحاد و شەباب دێ هەموو بزاڤان كەن لیۆنێل مێسی رازیبكەن و هاتیە دیاركرن مەزنترین گرێبەست ل سەر ئاستێ جیهانێ دێ هێتە بەرهەڤكرن.
ژلایەكێ دووڤە رۆژناما ماركا چوونا وی ب سەرەدانەكا سرۆشتی ل دووڤ كارێ خوە یێ تایبەت رێكخستی یە و دیار كر پشتی ب دووماهی هاتنا وەرزێ ئەڤ سالە مێسی دێ گرێبەستا یانەیا بەرشەلۆنا ئیمزاكەت.
