مێشا ب مە ڤەدا و هندەكێن دی هنگڤین خوارن
بێوار حەمدی:
عسمەت عزەت، ئەكتەرەكێ خەلكێ دهۆكێ یە، د دیدارەكێ دا بۆ رۆژنامەیا ئەڤرۆ گۆت: دژیەكێ بچووكدا من حەزژ كارێ هونەری دكر، ب تایبەت ژی ئەكتەریێ و پشتی من دەستپێكری هەتا نوكە من پشكداری د (18) درامایان و (13) فلم و (9) شانۆگەری و نێزیكی (150) پارچە زارڤەكرنان دا كریە و ب هەموو كارێن خوە یێ دلخۆشم.
هەروەسا گۆت: ب مخابنی ڤە خەلكێ مە حەزژ تشتێن بێ ڕامان دكەن، لەورا ئەگەرێ دووركەفتنا من ئەوە كو مێشا ب مە ڤەدا و هندەكێن دی هنگڤین خوارن، بۆ زانین هەر كارەكێ ئەز بكەم ژ هەموو دلێ خوە ئەنجام ددەم و ئەو كارێ مفا تێدا نەبیت و پەیامەكێ نەگەهینیت پشكداریێ تێدا ناكەم، بۆ دەمێ بهێت ژی هندەك چیرۆك ل بەر دەست هەنە هەكە دەلیڤە هەبوو دێ كەیەنە فلم و دراما.
