مێشێن هنگڤینی وێرەكی بۆ من پەیداكریە
هەرهین محەمەد:
خەولەت رێكانی، ژنەكا خەلكا شێلادزێ یە و ئەڤە بۆ دەمێ چەندین سالە كارێ ب خۆدانكرنا مێشێن هنگڤینی دكەت و دیدارەكێ دا بۆ ئەڤرۆ دبێژیت: ژ هەڤژینێ خوە فێری كارێ مێشڤانیێ بوویمە و رۆژانە ئەو دهێتە باخچەیێ ئەز دگەل دهێم وەسا وێرەكی بۆ من چێكر بێ جلكێن مێشەڤانیێ بكەمێ ئەز دەستێ خوە دكەمە سەلەمێشكێن وان و سەرەگوهیا وی دكەم و نوكە ئەو بۆ من وەكو هەڤالانە و ئەز بێ وان ناقەتینم و من گەلەك سەبرێ خوە دایێ و جاران هەبووینە ب من ڤەداینە، بەلێ بۆ من یا نۆرمالە و گەلەك جاران مێش د هێنە دژورڤە ئەز ب دەستی دگرم و بەردەمە ژدەرڤە وئەز دلنادەم بكۆژم.
خەولەتێ گۆت: كارێ مێشەڤانیێ گەلەك یێ خوەشە و نێزكە بۆ كاری ئەز ژ هەڤژینێ خوە زیرەكترم و بەری وی كاردكەم و ژبلی مێشێن شێلادزێ مە ل ئامێدیێ ژی داناینە و دیسان كچا من ژی ل پشت مال ب خوە سندوق داناینە و ئەو یێن وێ یێن تایبەتنن ئانكو حەزا مێشەڤانیێ هێدی هێدی لنك زارۆكێن من ژی پەیدابوویە و داهاتێ مە ژ مێشەڤانیێ دهێت و ژیانێ پێ دەرباز دكەین.
