مێهڤانی سترانه‌كا دویت ل گه‌ل ناتالیایێ گۆتیه
ئه‌ڤرۆ، زنار تۆڤی:
هونه‌رمه‌ند مێهڤان بێدۆهی، د دیداره‌كێ دا بۆ رۆژناما ئه‌ڤرۆ دیار كر: وی ل گه‌ل خانما سترانبێژ ناتالیایێ ، كو ل وه‌لاتێ ئۆكرانییا دژیت، سترانه‌كا دویت گۆتییه، ب شێوێ پۆتپۆری، كو ئه‌و سترانه ژ په‌یڤ و ئاوازێن هونه‌رمه‌ند حه‌سه‌ن شه‌ریفی نه، كارێ ده‌رهێنانا كلیپێ و موزیكێ ژ لایێ رێناس میرانی ڤه بۆ هاتییه كرن، هه‌روه‌سا كارێ چێكرنا موزیكێ ل وه‌لاتێ ئه‌لمانییا هاتییه كرن.
ناڤهاتی گۆت ژی: گرۆپێ داوه‌ت و دیلانان یێ هه‌ولێرێ پشكداری د وێ كلیپێ دا كرییه، ئه‌و سترانه ل باژێرێ ره‌واندزێ هاتییه وێنه كرن، دیسان ل ڤان نێزیكان دێ مه كارێن باشتر هه‌بن، چه‌ندین سترانێن هه‌ڤچه‌رخ و یێن فولكلۆری ژی لبه‌ر ده‌ستێ من هه‌نه، نوكه ئه‌ز یێ كار ل سه‌ر وان سترانان ژی دكه‌م، دخوازم ب رێیا وان سترانان ئه‌ز بشێم ب باشترین ره‌نگ خزمه‌تا هونه‌رێ كوردی بكه‌م.
