مێڤان عه‌بدولكه‌ریم: بۆ قاره‌مانیێن نێڤده‌وله‌تی ب ناڤێ كوردستانێ پشكداربم
ئه‌ڤرۆ، هه‌ولێر، سولین سلێمان
د دیداره‌كێ دا مێڤان عه‌بدولكه‌ریم یاریزانێ یانا دهۆك و راهێنه‌رێ یاریا كیك بۆكسینگێ دیاركر ئه‌و یێ به‌رهه‌ڤیان دكه‌ت ب ناڤێ هه‌لبژارتیێ كوردستانێ پشكداری قاره‌مانیێن نێڤده‌وله‌تی بكه‌ت و دیسان دێ پشكداری سۆپه‌را ئیراقێ و یا ئه‌لمانیا یا ڤه‌كری كه‌ت.
زێده‌تر ناڤهاتی بۆ رۆژناما ئه‌ڤرۆ گۆت: بۆ وه‌رزێ 2022 دێ چه‌ند چالاكیێن ب هێز هه‌بن ژوانا پشكداری د قاره‌مانیێن نێڤده‌وله‌تی دا كو ژوانا ب ناڤێ هه‌لبژارتیێ كوردستانێ پشكداریێ د قاره‌مانیه‌كا نێڤده‌وله‌تی دا كه‌م تنێ چاڤه‌ڕێ ژڤانی مه ئه‌ڤ قاره‌مانیه بوو من گه‌له‌ك یا گرنگه ژبه‌ركو ب ناڤێ هه‌لبژارتیێ و ئالایێ كوردستانێ یێ پیروزه، دیسان به‌رهه‌ڤیان بۆ قاره‌مانیا سۆپه‌را ئیراقێ دكه‌م، ده‌ستپێكێ دێ خوه ئاماده‌كه‌م بۆ پشكداریێ د قاره‌مانیه‌كا نێڤده‌وله‌تی یا ڤه‌كری دا ل وه‌لاتێ ئه‌لمانیا ئه‌وا بڕیاره د ڤێ هه‌یڤێ دا بهێته ئه‌نجامدان، ئه‌ڤه هه‌موو قاره‌مانیه به‌رده‌وامی دانه لسه‌ر تۆماركرنا ده‌ستكه‌فت و پشكداریێن من یێ جوره و جور د یاریا كیك بۆكسینگێ دا.
ژلایه‌كێ دووڤه ناڤهاتی ئه‌وچه‌نده ژی دیاركر ناسناڤێن وی سه‌ر ئاستێ ئاسیا ل 2017ێ یا ستایلێ light contact رێزا دویێ بده‌ستخوه‌ڤه ئینا، هه‌روه‌سان ل 2021 ب ناسناڤێ قاره‌مانیا هه‌رێمێ ژی هاتبوو خه‌لاتكرن و گۆت: بۆ ماوێ 20 سالانه به‌رده‌وامم لسه‌ر ڤێ یاریێ و زێده‌تر 40 ناسناڤێن قاره‌مانیا پارێزگه‌هێ، هه‌رێمێ و ئیراقێ ده‌ستخوه‌ڤه ئیناینه و هه‌روه‌سان وه‌كو راهێنه‌ر ژی ئه‌ز به‌رده‌وام یاریزانا فێركه‌مه ڤێ یاریێ و پێشڤه‌چوونه‌كا باش ب خوه‌ڤه‌گرتیه و دێ به‌رده‌وامبم ژبۆ پێشخستنا ڤێ یاریێ ل كوردستانێ.