مەترسیا شەڕێ ناڤخوەیی ل سووریێ هەیە
رۆژنامه‌یا واشنتۆن پۆست د راپۆرته‌کێ دا دیار کریە، پشکەک ژ گرۆپێن چەکدارێن توندرەو کو بەری نها دناڤ تەحریر شام دا بوون و ل گەل ئەحمەد شەرعی شەڕێ رژێما سووریێ دکرن، ژ بەر پەیوەندیێن ئەحمەد شەرعی یێن ل گەل ئەمریکا ژ وی جودا بووینە و گەفا شەڕی دکەن، ئەو یەک ژی مەترسیەکا گەلەک مەزنە و دبیت پشتی دەمەکێ گرۆپێن توندرەو ئێرشی هێزێن سووریێ بکەن و وی دەمی بێگومان دێ سووریێ تووشی شەڕەکێ ناڤخوەیی بیت.
هەمان رۆژنامێ ئەو یەک ژی دیار کریە، ئەحمەد شەرع ژ بۆ پاراستنا دەستهەلاتا خوە نەچارە پەیوەندیێن خوە ل گەل ئەمریکا و ئسرائیلێ باش بکەت، ئەو یەک ژی بوویە جهێ دلگرانیا کۆمێن توندرەو و گەفان ل ئەحمەد شەرعی دکەن.
ئەو یەک د دەمەکێ دایە کو بەری نها وەزیرێ دەرڤە یێ ئەمریکا ژی دیار کربوو زانیاریێن ل بەر دەستێ وان نیشا ددەن کو رەوشا سووریێ گەلەک خرابە و دبیت دەستهەلاتا نها یا سووریێ ژناڤ بچیت.
