مەترسیا شەڕەکێ نوو ل دژی کوردان ل سووریێ هەیە
رێڤەبەریا خوەسەر یا رۆژئاڤایێ کوردستانێ راگەهاند کو چەند رۆژن گرۆپێن چەکدار ل دەوروبەرێن رەققە بەرێ خوە داینە دەڤەرێن کوردی یێن رۆژئاڤایێ کوردستانێ و دوهی ل عەین عیسا ئێرشی خەلکێ سڤیل یێن کورد کرینە و ئەو یەک ژی ب چو رەنگەکێ ناهێتە قەبوول کرن و دڤێت هێزێن سووریێ ب ئەرکێ خوە رابن و رێ نەدەن ئێرشی کوردان بهێتە کرن.
رێڤەبەریا خوەسەر ئەو یەک ژی دیار کریە، بەری نها رێککەفتنەک د ناڤبەرا هەسەدێ و شامێ دا هاتیە کرن و ل گۆر رێککەفتنێ دڤێت شام رێ نەدەت ئێرشی دەڤەرێن کوردی بهێتە کرن، ب تایبەتی ژی ئێرش ژ ئالیێ وان گرۆپێن چەکدار ڤە دهێتە کرن کو ل ژێر کۆنترۆلا شامێ دانە و ئەو یەک ژی مەترسیەکا گەلەک مەزنە، بەردەوامیا ئێرشان دێ رەوشا دەڤەرێ گەلەک ئالۆز کەت و وەکو هەسەدە و کورد ئەو ژی ل هەمبەر کارێن تێکدەرانە یێن گرۆپێن چەکدار بێدەنگ نامینن و دێ یا پێدڤی بۆ پاراستنا خەلکێ خوە کەن، ژ بەر ڤێ یەکێ ژی دڤێت شام ل گۆر رێککەفتنا کو بەری نها هاتیە کرن ب ئەرکێ خوە رابیت، پاراستنا خەلکێ کورد ل وان دەڤەران ئەرکێ شامێ یە.
