مەترسیا هشكبوونێ ل سەر 41 پۆند و بەنداڤان ل ئاكرێ هەیە
رەمەزان زەكەریا:
ل سنۆرێ دەڤەرداریا ئاكرێ هەژمارەكا بەرچاڤا پۆند و بەنداڤێن بچووك و مەزن هەنە، بەلێ ژ بەر هشكەسالیێ مەترسیا هشكبوونێ ل سەر دروستبوویە.
ئەندازایار محەمەد هاشم، رێڤەبەرێ هۆبا ئاڤدێریا ئاكرێ بۆ ئەڤرۆ گۆت: «حكومەتا هەرێما كوردستانێ گرنگیەكا باش ب دروستكرنا پۆند و بەنداڤێن بچووك و مەزن دایە، بۆ كۆمكرنا ئاڤێ، بەلێ ئەڤ سالە ژ بەر هشكەسالیێ مەترسیا هشكبوونێ ل سەر هەژمارەكا بەنداڤ و پۆندان هەیە».
گۆتژی: «ل سنۆرێ ئاكرێ 43 بەنداڤێن بچووك و مەزن و پۆند هەنە، ژ وانا پێنج دمەزنن و 75% مەترسیا هشكبوونێ ل سەر دروستبوویە، 11 دناڤنجینە و 85% مەترسیا هشكبوونێ ل سەر دروستبوویە و 25 د بچووكن و 100% مەترسیا هشكبوونێ ل سەر دروستبوویە».
