مەترسی ل سەر رێیا سەرەکی یا دھۆک بۆ شێخان ھەیە
ئەڤرۆ نیوز،بارزان مزووری:
ژ ئەگەرێ باران بارینەکا بھێز ل سەر رێکا سەرەکی یا دھوک بۆ شێخان ل گەلیێ “دێرکێ” کەڤرێن مەزن ل چیایی ھاتینە خار بەر لایێ جادێ راوەستیاینە مەترسی بۆ شوفێرێن ھاتنوچونێ ل سەر وێ رێکێ پەیداکریە و خەلک ژی داخازێ ژ رێڤەبەریا سەخبێرکرنا رێک و پرا دکەن کو تیمەکا سەخبێریا رێکان بو جھێن مترسی دابین بکەن بۆ لادانا وان کەڤران.
عەلی عەزیز ،ئێک ژ شوفێرێن بەردەوام ھاتنوچونێ ل وێ رێ دکەت بۆ ئەڤرۆ نیوز ئاشکرا کر کو پشتی بارینا بەفر و بارانا وان چەند روژێن بوری ل دەڤەرێن چیایی مەترسی سەر رێیا دروست بویە ژ ئەگەرێ ھاتنا کەڤرێن مەزن ل سەر رێیا تایبەت ل نزیک گەلیێ دێرکێ نێزیک جادا سەرەکی بووینە ئەڤ جەند روژ بورین جھێن شولەژێ ئەڤ کەڤرە دویر نەکرینە ژ رێێ لەورا داخواز ژ جھێن شولەژێ دکەین ڤان کەڤرا ژ ریێن سەرەکی لادەت.
ژلایێ خوە ڤە ئەحمەد خورشید ئێک ژ شوفێرێن ترومبێلێن بارھەلگر بۆ ئەڤرۆ نیوز گۆت: ھەروەختەکێ بارانەک بھێز بھێت ئەڤ کەڤرە دێ شوفێرا توشی زیانێن گیانی کەت ژبەرکو روبەرەکێ مەزن یێ گەلی ئەڤ کەڤرە ھاتینە بەر لایێن رێکێ و گوت: پێدڤیە بلەز جھێن شولەژێ رێیە چارەیەکێ بو بکەت بەری زیانێن گیانی دروست بن.
دلشاد محەمەد،راگەھاندنکار ژ پشکا ھاتن و چوونا شێخان بو ئەڤرۆ نیوز ئاشکرا کر کو ھەر د ئێکەم شەڤا ئەو کەڤر کەفتینە د رێکێ دا تیمەک ژ پولیسێن ھاتن و چونێ یێن نوبەدار گەھشتنە گەلیێ دێرکێ ئەو کەڤربێن ھاتینە دناڤا رێکێ دا راکرینە لێ ھندەک کەڤر د مەزنن پێدڤیە ب ئامیرێن مەزن ھەیە بھێنە لادان داکو خەلک تووشی چو روودانان نەبیت.
