مەحفۆز ئیبراهیم: بلندكرنا پلەیا كەمەرێن 60 یاریزانان دێ ئاستێ یانەیێن پارێزگەهێ ب هێزتر ئێخیت
قەیس وەیس:
د داخویانیەكێ دا سەرۆكێ فیدراسیۆنا كیك بۆكسینگا پارێزگەها دهۆكێ و ئەندامێ فیدراسیۆنا ئیراقێ دیار كر ل حەفتیا بۆری خولەكا بهێزكرنێ و بلندكرنا پلە بەرزییا كەمەریێن60 یاریزانێن پارێزگەهێ هاتبوو دانان، بەری دەستپێكرنا هەڤڕكیێن قارەمانیا ئیراقێ بۆ هەردو سیستەمێن K 1 – Full contact ل سەر ئاستێ یانەیان كو بڕیارە هەڤڕكیێن وێ هەولێرا پایتەخت ل 20 هەتا 22ێ ڤێ هەیڤێ بهێتە ئەنجامدان.
زێدەتر مەحفۆز ئیبراهیم گۆت: ژبۆ پێشئێخستن و بلندكرنا پلەیا ئاستێ كەمەرێن 60 یاریزانێن یانەیێن دهۆك، ئامێدیێ، تەناهی و پیرس بۆ ژیێن جۆدا كو ژ نەه كەمەران پێكدهێت هەر ژ زەر دەستپێدكەت هەتا قەهوایی و هەر رەنگەكێ كەمەرێ ئاستەك بۆ دهێتە دانان دا دەلیڤە هەبیت بۆ پشكداریێ د قارەمانیێ دا، خول ژلایێ هەردو وانەبێژان راهێنەرێن هەلبژارتیێ ئیراقێ سالح كەكۆ و عەبدولرەزاق سەعید ل هۆلا گرتیا یانەیا ئامێدیێ هاتبوو كرن ل دووماهیێ تاقیكرن و بلاڤكرنا باوەرنامە و كەرەران هاتبوو كرن، بتنێ كەمەرا قەهوایی نەبیت ئەوا دێ ژلایێ فیدراسیۆنا ئیراقێ ڤە خول دهێتە دان.
هەروەسان ناڤهاتی ئەو چەندە ژی دیار كر ئەڤ خولە كەپشكەك ژ یاریزانێن یانەیان ڤە گرتبوو و ئەوێن مایی دێ پشتی قارەمانیێ بن و گۆت: ئەو یاریزانێن پشكداری خولێ بووین و كەمەرێن خوە بلند كرین دێ بۆ قارەمانییێ وەكو باشترین بەرهەڤی بیت، ژبەر كو ئەو پێزانین تیۆری و پراكتیكی وەرگرتین دێ كەڤیتە د خزمەتا واندا و هەڤڕكیێ بۆ رێزێن پێشییێ بكەن و ئاستێ یانەیان ب هێزتر كەڤیت، دێ بزاڤێ كەین پشتی قارەمانیێ ئەو یاریزانێن مایی ئاست و پلە بلندكرنا ئاستێ وان ژی بهێتە كرن.
