مەحما خەلیل: دەست ب رێكارێن پارێزگەهبوونا شنگالێ دێ هێتە كرن

دهۆك، لەزگین جۆقی:

ئەندامەكێ پەرلەمانێ ئیراقێ ژ فراكسیۆنا پارتی بۆ رۆژناما ئەڤرۆ دیار كر، پشتی بڕیارا پارێزگەهبوونا هەلەبجە، هەمی بزاڤ دهێنە كرن، دەست ب رێكارێن پارێزگەهبوونا شنگالێ ل پەرلەمانێ ئیراقێ بهێتە كرن.
مەحما خەلیل، ئەندامێ پەرلەمانێ ئیراقێ گۆت: «پڕۆژە بۆ پارێزگەهبوونا شنگالێ هەیە و دێ كارەكێ رژد ل سەر پارێزگەهبوونا شنگالێ د ناڤ پەرلەمانێ ئیراقێ دا كەین، ژ بەركو ژ هەمی ئالیەكێ ڤە شنگال یا بەرهەڤە بۆ پارێزگەهبوونێ و پێدڤیە ل بەغدا پشتەڤانیا شنگالێ بهێتە كرن».
گۆتژی: «خەلكێ شنگالێ گەلەك جاران داخواز كریە، شنگال ببیتە پارێزگەهەك سەر ب هەرێما كوردستانێ ڤە، ل ریفڕاندۆمێ خەلكێ شنگالێ پتر ژ 90%ێ دەنگ بۆ سەربخۆیا كوردستانێ دایە».

کۆمێنتا تە