مەرجێن دانا تڕۆمبێلان بۆ مامۆستایان دێ هێنە كێمكرن
ئەڤرۆ
هەولێر، قائید میرۆ:
سەرۆكێ ئێكەتیا مامۆستایێن كوردستانێ ئاشكرا كر، مامۆستایێن هەرسێ پارێزگەهێن هەرێما كوردستانێ دێ ژ كڕینا تڕۆمبێلێن ب قست مفادار بن و ل قۆناغێن داهاتی مەرجێن دانا تڕۆمبێلێن مامۆستایان دێ هێنە كێمكرن.
ئەحمەد گەرمیانی، سەرۆكێ ئێكەتیا مامۆستایان بۆ رۆژناما ئەڤرۆ دیار كر، پشتی چەندین بزاڤان ب مەرەما مفاداربوونا تەخا مامۆستایان ژ تڕۆمبێلان ب شێوەیێ قست هەتا بۆ مامۆستایان بهێنە دابینكرن ئێكەتیا مامۆستایان شیایە ل گەل كۆمپانیا تڕۆمبێلێن جێلیە یا وەلاتێ چینێ، كو كۆمپانیەكا بازرگانیا تڕۆمبێلانە بگەهیتە رێككەفتنێ و گۆت: «هەژمارەكا مەرجان بۆ دانا تڕۆمبێلێن مامۆستایان هاتینە دیاركرن، قووناغێن داهاتی دێ بزاڤان كەین مەرجێن كڕینا تڕۆمبێلان ب شێوەیێ قست بهێنە كێمكرن».
ئەحمەد گەرمیان گۆتژی: «داشكاندن بۆ بهایێ تڕۆمبێلێن مامۆستایان هاتیە كرن و بۆ هەر تڕۆمبێلەكێ هزار و 500 دۆلار هاتینە كێمكرن، مامۆستایێن هەرسێ پارێزگەهێن هەولێر و دهۆك و سلێمانیێ دشێن ژ وەرگرتنا تڕۆمبێلێن ب قست مفادار بن و هەر مامۆستایەكێ پێشەكیێ زێدەتر بدەت دێ قستێن وی درێژتر بن و بهایێ تڕۆمبێلێ ژی دێ ئەرزانتر بیت».
