مەرجێ پارێزگاریكرن ل ماف و دەستكەفتێن خەلكێ كـوردستانـێ بهێزبوونـا پارتیە ل بـەغدا
نێچیرڤان شێخ شامۆ
ئەزموونا ئازادیا كوردستانێ و هەبوونا كیانەكێ دیموكراسی و دەستووری، بەرهەمێ خەباتەكا دور و درێژ و قوربانیدانێن مەزنە.
ژبۆ پاراستنا دەستكەفت و مافێن رەوایێن خەلكێ كوردستانێ دڤیا ژ دل و ب بەرپرسانە ب ئەرك و ڕۆلێ خوە ڕابن و خودانێ بریارا خوەبن ژبۆ درێژەدان ب ڤێ پرۆسێسا و ئەزموونا سەركەفتی و نەخشاندنا داهاتویەكێ گەشتر وەلاتێ مە.
ئیراق و هەرێما كوردستانێ ل بەردەم پرۆسەیاكا گرنگا دیموكراسی دانە ئەوژی هەلبژارتنێن ئەنجوومەنێ نوونەرێن ئیراقێنە، ئەڤ پرۆسەیە د دەمەكێ زۆرێ نازك دا برێڤە دچە.
عەسە بوویە مەرجێ پارێزگاریكرنا ل ماف و دەستكەفتێن خەلكێ كوردستانێ بهێزبوونا پارتیە ل بەغدا.
ژبۆ راستڤەكرنا شاشیێن بەری نها و ب شێوازەكی دیموكراسی و زڤرین بۆ دەستوورێ ئیراقێ و دوماهیك ئینان ب نەدادی و زولم و زۆر و سیاسەتێن ناحەقێن د چەند سالێن بۆری دا ل سەر خەلكێ كوردستانێ هاتینە سەپاندن بگرە ژ (سیاسەتێن داگیركاریا ئاخێ و شەڕێ ئیرادە و باوەریێ و سیاسەتێن برسی كرن و ئێشاندنێ و هاندانا جڤاك وتاكێ كوردستانی ژبۆ سستكرن و ساركرنا وان ژ پرەنسیپێن نەتەوی و حەزكرنا ئاخ و وەلات و لەكەداركرنا ئەزمونا سیاسی و حوكمرانیا كوردستانێ).
د ڤێ راستێ دا خۆیایە ئارمانج و تیرا نەحەزان بەردەوام بەرەف سینگا پارتیا دیموكراتا كوردستانێ بوویە، نیشان و دەرئەنجامێن ئەزموون و سەردەمێن ڕابۆهری خۆیا و عەسە دكەن كو (گاڤا پارتی بهێزبە كوردستان بهێزە) ل گۆڕ ڤی تێگەهێ ڕاست و ورد، ب وی وێ ئێكێ كوردستان بهێز بمینە و درێژە ب ڤێ ئەزموونا تژی باوەری و پرەنسیپێن جێگیر ل پێناڤی مافێن ڕەوایێن خەلكێ كوردستانێ و بەردەوامیدان ب كاروانێ خەباتێ وگەهیشتن ب قۆناغێن سەرفرازتر، ئەرك و بەرپرسایەتیا مە هەمیانە بێ دەنگ و هەلوەست نەمینن و ڤێ جارێ ژی د هەلبژارتنێن خۆلا شەشێ یا پەرلەمانێ ئیراقێ دا ب هەمی دەنگ و هێز ب هەڤرا بخەبتن و كاربكەن و سەنگا پارتیا بارزانی گرانتر بكەن و پارتیا پێشرەوا شۆرەش و سەرهلدان و ئازادی و هەبوونێ بهێزتر بكەن، دڤیا وەكە هەرجار «داربەڕویا چیایێن كوردستانێ بمینە كەلەم د ناڤ چاڤێن نەیارێن كوردستانێ دا».
خەلكێ كوردستانێ خەلكەكێ ماندی و مەزلومە و ژ هەژی ژیانەكا گەشتر و داهاتویەكێ زامنترە، ژبۆ بەرجەستەكرنا ڤێ ئێكێ دەنگدەرێ هێژا بریار ل دەستێ تەدایە و كا ئەم ب هەڤرە ڕۆژا هەلبژارتنا بكەنە ڕۆژا غیرەت و ئێكلاكرنێ و ڤی مافێ خوە یێ دیموكراسی بكاربینن و داهاتوویێ وەلاتێ خوە ل سەر دەستێ جەنابێ سەرۆك بارزانی و پارتیا خوە لیستا ٢٧٥ رەنگینتر و گەشتر و جوانتر و ب هێزتر بنەخشینن. ب باوەرم و هیڤی خودێ و خودان و ب هیمەتا وەلاتپارێز و جەماوەرێ شەرەفمەند و عاقلمەندێ كوردستانێ، ڤێجارێ ژی پارتیا مە دێ یەكەما ئیراقێ و كوردستانێ بیت.»
