مەرجەكێ ب زەحمەت لیڤەرپۆل ئێخستە د بڕیارەكا چارەنڤیس دا
راپۆرتێن رۆژنامەڤانی ل وەلاتێ ئنگلتەرایێ دا دیار كرینە كو ستێرێ مسری و یانەیا لیڤەرپۆل محەمەد سەلاح مەرجەكێ ب زەحمەت دانایە بەر سینگا كارگێرییا یانەیا لیڤەرپۆل ژبۆ نووكرنا گرێبەستا خوە، ئەڤچەندە هات پشتی دیاربووی كو هێشتا گرێبەست نوونەكرییە و ژێدەرێن رۆژناماڤانی خۆیاكرییە دبیت بچیتە یانەكا سعۆدیێ.
رۆژنامەیا Football Insider یا بریتانی دیاركرییە كو گرێبەستا محەمەد سەلاحی دگەل لیڤەرپۆل دێ هەتا هاڤینا 2025ێ ئانكو وەرزێ وی یێ ئەڤ سالە دووماهییە و هێشتا نوو نەكرییە و دەنگۆباسێن گەرم هەنە كو یانەكا سعۆدیێ دوجاری ئەو گرێبەستا لیڤەرپۆل بۆ محەمەد سەلاحی بەرهەڤكرییە، لێ هێشتا یاریزانێ مسری چ بڕیار نەداینە، ل دووماهی كۆمبوونا بریكارێ یاریزانێ ناڤهاتی دگەل لیڤەرپۆلێ كو مەرجەكێ ب زەحمەت ژلایێ وی ڤە بەرانبەر نووكرنا گرێبەستا خوە دانایە ئەو ژی دڤێت گرێبەست بۆ سێ وەرزان بیت نەك ئێك وەرز ئانكو هەتا هاڤینا 2027ێ، ئەڤچەندە ژی ل دەستپێكێ كارگێرییا یانەیا ئنگلتەرایێ قەبوول نەكرییە ژبەركو هەتا دو سالێ ندی پێشبینی دهێتە كرن ئەو ئاستێ جاران نیشان نەدەت و دێ ژیێ وی گەهیتە 35 سالی، لێ راپۆرتان دیار كرییە دبیت ب گەهنە ڕێكەفتنەكێ و گرێبەست بهێنە نووكرن.
بۆ زانین د وەرزێ ئەڤ سالە دا محەمەد سەلاح شیایە دگەل یانەیا لیڤەرپۆل ژ 11 یارییان حەفت گۆلان تۆماربكەت و شەش گۆلێن دی بۆ هەڤالێن خوە چێكەت ئێك ژ كاریگەرترین یاریزانێن یانەیا ئنگلتەرایێ یە.
