مەروا داخوازا لێبۆرینێ دكەت
سولین سلێمان:
مەروا محەمەد، ئەكتەرەكا خەلكا هەلەبجە یە، ل سالا 1983 ل وی باژێری ژ دایكبوویە، د دیدارەكێ دا بۆ رۆژناما ئەڤرۆ دبێژیت: دژیەكێ بچووكدا من حەزدكر ببمە ئەكتەر و پشكداریێ د فلم و دراما دا بكەم، لەورا ئەز چویمە پەیمانگەها هونەرێن جوان ل سلێمانیێ و ل وێرێ من دەست ب كارێ ئەكتەریێ كرو هەتا نوكە من پشكداری چەندین فلم و دراما و شانۆگەریان دا كریە، ژ وانا ( گەردەلۆل، وەسیتنامە، نامەكانی ئەشرەف، حاجی ئاغا) و گەلەكێن دی و ب هەموو پشكداریێن خوە یا دلخۆشم.
هەروەسا گۆت: ب دیتنا من شانۆ ب بابێ هونەری دهێتە نیاسین، چنكو ئەكتەرا راستە راست دگەل بینەران تێكهەل دبن، هەروەسا كارێ ئەكتەریێ ل سەر دەپێ شانۆیێ ب زەحمەترە بەرامبەر یێ كامێرێ و داخوازا لێبۆرینێ دكەم كو ژبەر چەند ئەگەرەكان ئەڤە دەمەكە ژ شاشێ یا دوورم و هیڤیا من ئەوە ب بەرهەمێن باشترڤە ڤەگەڕم.
