مەزادخانەیا دەمامکان
هودا دۆسكی
ل باژێرکەکێ بچویک، خەلک سپێدەهییا خوە ب بەستنا دەمامکەکێ دەست پێ دکەن، نە ژ ترسا ڤایرۆسەکێ کوژەک یان کەشەکێ تۆزاوی، بەلکو دا کو قەستا بازار و فەرمانگەهان بکەن و مەزادخانەیەکا گفتوگۆیێ دروست بکەن. ئەو ل سەر خانی و زێڕان مەزادی ناکەن، بەلکو سوحبەتێن وان مەزادن ل سەر نیشاندانا باشترین دل و دەستپاکییێ.
وەسا پەسنا خوە دکەن، دێ بێژی باژێرێ فریشتەیانە و ڤیانا وان بۆ هەڤدو بێ سنوورە. لێ دەما تاریاتی باژێری ڤەدگریت، هەر ئێک دەمامکا خوە یا قرێژ و تژی درە و دڤڕڤڕینیت. ل وێرێ، دگەل دێمێ خوە یێ ڕاستەقینە دمینن؛ مێشک و دلێن وان ژەنگی گرتی نە و ژ چاڤ پێ نەڕابوونێ تژی نە.
ژیانا وان ل بن وان دەمامکان یا سەختە و تژی فێلبازییە. ئەو دێمێن ڕەش یێن ل پشت پەردەیان ڤەشارتین، کو د شیانێن وان دایە ب سەدان جاران وان بگۆهۆڕن.
