مەزلۆم عەبدی: پێدڤیە تورکیا پێداچوونێ د سیاسەتا خوە دا بکەت
مەزلوم عەبدی فەرماندارێ گشتی یێ هێزێن سووریا دیموکرات د داخویانیەکێ دا بۆ دەزگەهێن راگەهاندنا رێڤەبەریا خوەسەر دیار کر، سیاسەتا نها یا تورکیا ل هەمبەر رێڤەبەریا خوەسەر شاشە و ئەو یەک د خزمەتا تورکیا دا نینە، چونکی رێڤەبەریا خوەسەر چو دەمەکێ بۆ تورکیا ئاریشە دروست نەکرینە و ناکەت ژی، رێڤەبەریا خوەسەر دڤێت پەیوەندیێن گەلەک باش ل گەل تورکیا دروست بکەت، نها ژی پەیوەندی ل گەل تورکیا هەنە و هەکە تورکیا ژی سیاسەتا خوە ل هەمبەر رێڤەبەریا خوەسەر و کوردێن سووریێ بگوهۆڕیت، ئەو یەک دشێت ببیتە ئەگەرێ دەستپێکرنا قووناغەکا نوو ل گەل تورکیا.
مەزلوم عەبدی ئەو یەک ژی دیار کر، باشبوونا پەیوەندیێن رێڤەبەریا خوەسەر و تورکیا د بەرژەوەندیا تورکیا دایە، چونکی رێڤەبەریا خوەسەر دڤێت د هەموو بیاڤەکێ دا ل گەل تورکیا دەست ب قووناغەکا نوو بکەت، ژ بەر ڤێ یەکێ گرنگە تورکیا ژی پێداچوونێ د سیاسەتا خوە ل هەمبەر رێڤەبەریا خوەسەر و کوردێن سووریێ دا بکەت.
