مەزنترین ئاریشەیا سینەمایا كوردی نەبوونا سیناریۆیێن باشە
دلڤین رەشید:
دەرهێنەر و نڤیسەر (بیلال شاكر) د دیدارەكێ دا بۆرۆژناما ئەڤرۆ دیاركر كو هەر ژ سالا 2004 و هەتا نوكە ئەو د بۆارێ فلمسازیێ دا كاردكەت، ل دەسپێكی وەك نڤیسەر كاردكر، دووڤدا بوویە دەرهێنەر و هەتا نوكە چار فلمێن دیكومێنتاری و پێنچ كورتە فلم هەنە و زنجیرە درامایا (چەرخ و فەلەك) ژنفیسین و دەرهینانا وی یە.
ناڤهاتی گۆت: مەزنترین ئاریشەیا سینەمایا كوردی نەبوونا سیناریۆیێن باشە، دڤان چەند سالین دووماهیێ دا هەموو ئەو فلمێن هاتینە بەرهەمئینان ل هەرێما كوردستانێ ئەوێن من دیتین پتریا وان ئاریشەیا نەبوونا سیناریۆیەكا باشە، ئەگەر ژی ڤەدگەریتە وێ چەندێ نەبوونا رەوشەنبریا هونەرێ سینەمایێ و كەسێن نە ئەكادمی دڤی بۆاری دا و یا گرنگە نڤیسەر وەك كەسەكی كو باغچەیەك هەبیت، رۆژانە مژولی چاڤدێریكرنا هزرێن باش بیت هەتا پشتی ماوەیەكی بشێت گەشەكرنا وێ ببینیت و ئەگەر هەر ژدەسپێكا فلم یان سیناریۆی ئاریشە هەبوون و نەهاتە چارەسەركرن، ل وی دەمی ئەم چەند ئەكتەرێن ب ناڤ و دەنگ یان ستافەكی پرۆفیشینال یان مەزاختنا پارەكی مەزن بۆ بەرهەم ئینانا فلمی ئەڤە هوموو نەشێت چارەسەریا ڤێ ئاریشێ بكەن و یا ژ هەموویێ مەترسیدارتر ئەوە دێ بینەرێن فلمێ كوردی بەرب كێمبوونێ ڤە چن.
