مەزنترین ئۆڤەرا دیرۆكی بۆ مۆرینیۆیی هاتیە بەرهەڤكرن
ئەڤرۆ
ئۆڤەرەكا گران بوها بۆ راهێنەرێ پۆرتۆگالی و یانەیا رۆما یا ئیتالی ژ ئێكەتیا تەپا پێی یا سعۆدیێ هاتیە بەرهەڤكرن و هەردەمێ رازیبوو دێ بیتە مەزنترین گرێبەست د دیرۆكێ دا.
ل دووڤ رۆژناما Corriere dello Sport یا ئیتالی دیاركریە ئۆڤەرەكا ب120 ملیۆن یۆرۆیان بۆ راهێنەرێ رۆما یێ پۆرتۆگالی خۆزێ مۆرینیۆ ژلایێ ئێكەتیا تەپا پێی یا سعۆدیێ هاتیە بەرهەڤكرن ژبۆ سەرپەرشتیكرنا هەلبژارتیێ وان بۆ ماوەیێ دو وەرزان، مۆرینیۆیی ئەڤ ئۆڤەرە رەد نەكریە و دڤێ حەفتیێ دا دێ بەرسڤا ئێكلاكەر راگەهینت پشتی دگەل كادرێ خوە یێ راهێنانێ و بزیشكی كۆم دبیت، هەروەسان ئێكەتیا سعۆدیێ دەلیڤە دایە مۆرینیۆ ب هەمان گریبەست دشێت بیتە راهێنەرێ یانەیا نەسر یان ئتیحاد جەدە هەكە بڤێت.
بۆ زانین گرێبەستا مۆرینیۆیێ 60 سالی دگەل رۆما هەتا 30 خزیرنا سالا 2024ێ یە و بەندەك یێ هەیی دشێت بۆ دووماهی وەرز گرێبەستا خوە ب هەلوەشینیت، ژلایەكێ دووڤە یانەیا پاریس سانجێرمانا فرەنسی بزاڤێ دكەت مۆرینۆ رازیبت ژبۆ ئیمزاكرنا گرێبەستا وان.
