مەزنترین ئەکتەرێ سینەمایا بۆلیودێ بۆ ئەڤرۆ دئاخڤیت
ئەڤرۆ نیوز:
سینەماکارێن بۆلیوودێ تووشی سەر سوڕمانێ بووینە ل ھەمبەر ئەو پێشوازیا ل فیلمێن سەلمان خانی دھێتەکرن، کو ئێکە ژ ناڤدار ترین پرۆدیسەر ل بۆلیوودێ وەک ئەو دبێژیت ھەتا نوکە پتر ژ ھەموو ئەکتەرێن دی کار ل گەل سەلمان خانی دا کار کریە.
ئەکتەرێ ناڤدارێ سینەمایا بۆلیوودێ سەلمان خان نوکە، بۆ بەرپەرێ ھونەری یێ ئەڤرۆ گۆت: مژوولی وێنەگرتنا فلمەکی مە بناڤێ (سولتان) بۆ جەژنا رەمەزانێ یا سالا ٢٠١٦ ل سەر شاشێن سینەمایێ دێ ھێتە نیشادان.
ھەڤدەم، سەنجای سینھا، سینەماکار و پرۆدیسەر ل سینەمایا بۆلیوودێ بۆ ئەڤرۆ دیارکر ھەموو سینەماکارێن بۆلیوودێ نوکە ل ھەولا ھەندێ دانە کو بشێن ب کارێن خۆیێن جوان وەکی فلمێن سەلمان خانی بینەری ل خۆ کۆم بکەن.
سەنجای دیارکر ژی کو ئەو وەک پرۆدیسەرەک ل گەلەک فلمان دگەل سەلمان خانی کار کریە و ل دەف وی سەلمان خان ئێکە ژ ئەکتەرێن ھەرە سەرکەفتیێن بۆلیوودێ کو ب ماوەیەکا کێم د سەرەتایا ژیانا خۆیا ھونەری دا شیایە مەزنترین رێژەیا جەماوەری ل خۆ کۆم بکەت.
زێدەتر گۆت ژی دھێتە بیرا من ل سالا ١٩٨٨ دەمێ سەلمان خانی پشکداری د ئێکەم فلمی دا کری بناڤێ ( بێدڤی ھۆ تۆ ئێسێ)
گوتژی: پشتی سالەک ب سەر ئەوی فلمی تێپەڕبووی ل سالا ١٩٨٩ سەلمان خان فلمەکێ دی بەرھەم ئینا بناڤێ (مێنێ پیار کیا) “واتە من حەژێ کریە” شیا سەرکەفتنەکا مەزن ب دەست خۆڤە بینیتن.
زێدەتر گوت نووکە دووبارە ئەز وەک پرۆدیسەر کار دکەم دفلمێ سولتانی دا و ئەم چاڤەڕێ دکەین ئەڤ فلمە پێشوازیەکا باشتر ب بەراورد ل گەل فلمێن دی لێ بھێتەکرن وھەر ژ نوکە ئەوێ حازریا خوە دکەن و وانا دەست ب وێنەگرتنا فلمی کریە و پارەیەکێ زۆر لێ ھاتیە خەرج کرن و ھەتا نوکی چەندین کۆمپانیێن مەزنێن بۆلیوودێ ڤیاینە بۆ ڤێ فلمی دگەل مە دا کار بکەن لێ ئەم رازی نەبووینە.
پرۆدیسەرا سەلمان خانی دایە زانین کو ھەیڤەک بەری پەخشکرنا فلمێن سەلمان خانی بلیتێن سینەمایی ل ھندستانێ ھەموویێ دھێنە فرۆتن و بۆ ماوەیا چەندین ھەیڤان ھەموو رۆژان سینەما تژی دبن ل خەلکی.
سەلمان خان کوڕێ نڤیسەرێ مەزنێ ھندستانێ سەلیم خانی یە ل ٢٧ دیسمبەرا سالا ١٩٦٥ ل باژێری ئیندۆر بۆلەیا ل ویلایەتا مادیا پرادیشا ھندستانێ ژ دایک بوویە، و باپیری وی موسلمان بوویە خەلکێ ئەفغانستانێ بوویە و قەستا ویلایەتا پرادیش کری یە و ل وێری ژیایە. دایکا سەلمان خانی ھندۆسی یە و خەلکا ویلایەتا مھاراشترایە، دوو برا ھەنە بناڤێن ئەرباز خان و سوھێل خان ھەردوو ل بۆلیوودێ کار دکەن وەکی ئەکتەر و دەرھێنەر.ژبەر دایک و بابێ خۆ سەلمان خان جارەکێ ژ جارا گۆتیە ئەز نیڤ ھندۆس و نیڤ موسولمانم.
گۆڤارا پیوپلا ئەمریکی سەلمان خان وەک ئێک ژ جوانترین ئەکتەرێن زەلام دایە نیاسین ل جیھان ێو پشتی ئەمیتاب پاچاچان ب چوارەم ئەکتەر دھێتە دانان کۆ پەیکەر بۆ ھاتیە چێکرن ل موزەخانەیا مادام تسۆی ل پاریسێ.
نووکە سەرۆکی رێکخراوا بینگ ھیومایانە نا حکومی یە ل ھیندستانێ کو ب ئێک ژ مەزنترن رێکخراوا خێرخوازی دھێتەنیاس ل ھیندستانێ.
