مەزنترین تەشیا كوردی ل پرا دەلال هاتە هەلاویستن
دلۆڤان هالۆ:
دلخاز موسا، رێڤەبەرێ رێڤەبەریا رەوشەنبیری و هونەری ل ئیدارەیا سەربەخۆیا زاخۆ، د دیدارەكێ دا بۆ رۆژنامەیا ئەڤرۆ گۆت: بەرهەڤیێن باش بۆ گێڕانا فیستەڤالا سێیێ یا شەلوشەپك و جلوبەرگێن كوردی هاتینە كرن كو بڕیارە سوبەهی دەست پێبكەت و مەزنترین تەشییا رستنێ یا كوردی، كو درێژاهیا وێ شەش مەتر و نیڤن و فرەهیا وێ مەترەكە ب پرا دەلال ڤە هاتە هەلاویستن.
هەروەسا گۆت: بەرنامەیەكێ باش بۆ هەردو رۆژێن فەستیڤالێ هاتیە دانان و هژمارەكا گرۆپ و تیپێن جۆرا و جۆر دێ دڤێ فەستیڤالێ دا پشكداربن، زێدەباری چەند ئاهەنگێن سترانگۆتنێ و هیڤیا من ئەوە كەسێن دهێنە فەستیڤالێ دەمێن خۆش لێ ببۆرینن.
