مەزنترین دەڤەرا پیشەسازیا ئاهێن خوارنێ ل سێمێلێ دێ هێتە دانان
دهۆك، لەزگین جوقی:
دەڤەردارێ سێمێلێ دیار كر، دەست ب دروستكرنا پڕۆژەیێ دەڤەرا پیشەسازیا ئاهێن خوارنێ ل دەڤەرداریا سێمێلێ هاتیە كرن و ئەڤ پڕۆژە دێ هەژمارەكا زۆر یا دەلیڤەیێن كاری بۆ خەلكێ دەڤەرا سێمێلێ پەیدا كەت.
خەلیل مەحمود، دەڤەردارێ سێمێلێ بۆ رۆژناما ئەڤرۆ دیار كر، رووبەرەكێ مەزن یێ ئەردی ل نێزیك قەپانێن فێقی ل دەڤەرا سێجێ بۆ دەڤەرا پیشەسازیا ئاهێن خۆارنێ ل سنوورێ دەڤەرداریا سێمیلێ هاتیە تەرخانكرن و گۆت: «هەمی كارگەهێن ئاهێن خوارنێ دێ د ناڤ دا هێنە دانان، ئەڤە دێ بیتە مەزنترین دەڤەرا پیشەسازی ل سێمیلێ، هەژمارەكا زۆر یا كارگەهان دێ لێ هێنە دانان و ب سەدان دەلیڤەیێن كاری بۆ خەلكێ دەڤەرێ دێ پەیدا بن، نوكە كار ل سەر كوژاندنا ئەردی دهێتە كرن، داكو دەست بجهئینانا پڕۆژەی بهێتە كرن».
گۆتژی: «گرنگیەكا مەزن د وارێ پیشەسازی دا ب دەڤەرداریا سێمێلێ هاتیەدان، نوكە پتریا پڕۆژەیێن پیشەسازی یێن دهۆكێ ل دەڤەرداریا سێمێلێ دهێنە دروستكرن، پڕۆژەیێ پیشەسازیا ئاهێن خوارنێ دێ گەلەكێ مەزن بیت و دێ خزمەتا دەڤەرێ كەت».
