مەزنترین پڕۆژەیێ بەرهەمێن سپیاتیان ل ئیراقێ ل دهۆكێ دهێتە دانان
مەزنترین پڕۆژەیێ بەرهەمێن شیری و سپیاتیان ل سەر ئاستێ ئیراقێ و ئێك ژ مەزنترین پڕۆژەیێن بەرهەمێن شیری و سپیاتیان ل سەر ئاستێ رۆژهەلاتا ناڤەراست، بۆ جارا ئێكێ ل دەڤەرداریا سێمێلێ ل سنوورێ پارێزگەها دهۆكێ دهێتە بجهئینان و ئەڤ پڕۆژە د داهاتی دا هزار دەلیڤەیێن كاری بۆ گەنجان دێ پەیدا كەت.
ئەڤ پڕۆژە ژ لایێ گروپێ كۆمپانیێن كاڤین ب ئاسانكاریێن كابینا نەهێ یا حوكمەتا هەرێما كوردستانێ ل دەڤەرداریا سێمێلێ، ل سەر رووبەرێ هزار دۆنەمێن ئەردی و ب گوژمێ 60 ملیۆن دۆلاران دهێتە بجهئینان.
د ناڤ ڤی پڕۆژەی دا د ناڤبەرا دو هەتا سێ هزار چێلان دێ هێنە ب خودانكرن و رۆژانە دێ 120 تەنێن شیری بەرهەم ئینیت، د نوكە دا ب شێوەیەكێ دەمكی دەلیڤەیێن كاری بۆ دو هزار و500 كەسان دابینكرینە و د داهاتی دا رۆژانە پتر ژ هزار كەسان دێ تێدا كاركەن.
رۆژانە ل كارگەها ڤی پڕۆژەیێ بەرهەمێن شیری و سپیاتیان: شیر، ماست، پەنیر، شیر ب تاما فێقی، شیر ب تاما شۆكولاتێ دێ هێنە بەرهەمئینان.
