مەسرۆر بارزانی دێ قارەمانێن كوردستانێ خەلات كەت
د داخویانیەكا تایبەت دا ئەندامێ ئێكەتیا تەپا پێی یا كوردستانێ دیار كر ب سەرپەرشتی و بەرهەڤبوونا سەرۆكێ حوكمەتا هەرێما كورستانێ د رۆژێن بهێت دا دێ رێورەسمێن مەزن بۆ خەلاتكرنا قارەمان و یانەیێن رێزێن دویێ د هەر سێ خولێن تەپا پێی و فوتسالا دا هێنە كرن.
زێدەتر ئازاد محەمەد گۆت: بڕیار هاتیە دان ب پشتەڤانی و بەرهەڤبوونا مەسرۆر بارزانی سەرۆكێ حوكمەتا هەرێما كوردستانێ دێ رۆژێن بهێت دا ژڤانێ دانانا رێورەسمێن خەلاتكرنێ بۆ ئەوان یانەیێن ناسناڤ ب دەستڤە ئیناین و رێزێن دویێ هاتین، ئەو ژی ژ پلا نایاب یانەیا پێشمەرگەیا هەولێر قارەمانا خولێ و یانەیا ئارارات خودانا رێزا دویێ، ژ پلا ئێك یانەیا هەولێر قارەمانا پلا ئێك و یانەیا رانیا خودانا پلا دویێ، ل سەر ئاستێ فوتسالا كچان یانەیا ئافرەتێن هەولێر خودانا ناسناڤی و فوتسالا یانەیا زاخۆ ئەوا رێزا دویێ هاتی.
هەروەسان ناڤهاتی ئەو چەندە ژی دیار كر رێورەسمی دێ ل هەولێرا پایتەخت هێتە رێكخستن و سەرۆكێ حوكمەتێ وەكو پشتەڤانی بۆ وەرزشا كوردستانێ و وەرزشڤانێن یاریا تەپا پێی دێ ئامادەیی ئاهنگێ بیت و چەند دیاریان ژ ل سەر سەركەفتیان بەلاڤەت و گۆت: ئەڤ پێنگاڤا سەرۆكێ حوكمەتێ جهێ دەستخووشیێ و سۆپاسیێ یە، ژبەركو دێ بیتە پالدەر بۆ وەرزێ بهێت هەڤڕكی بۆ دەستڤە ئینانا ناسناڤان بهێزتر بیت و بەر ب باشتر بچیت، هیڤییا مە ئەوە ئەڤ خەلاتكرنە بۆ ئەوان یانەیان خالەكا هێزێ بیت سالێن بهێت هەڤڕكیێ ب شارینن و ببیتە ئەگەر وەرزشا كوردستانێ بهێز بكەڤیت.
