مەعیدێ خوە بێ نشتەرگەری بچووک بکە
ئەڤرۆ نیوز:
ھندەک جاران ژن پەنایێ دبەنە نشتەرگەریێن جوانکاریێ دا بگەھنە سەنگێ گونجای و بەژنەکا زراڤ، ھندەک نشتەرگەریێن بچووکرنا مەعیدەی دکەن دا کۆنترۆلێ ل سەر قەبارێ خوارنێ بکەن. لێ شارەزایێن خوارنێ دوپات دکەن کو دشیان دایە وان نشتەرگەریان ب ھندەک پێنگاڤان بگوھۆرن کو ب تنێ رژد و ئیرادە پێ دڤێت دا ھەمان ئەنجامان بدەستڤە بینی و بێی چو باندۆرێن لاوەکی، ژ وان رێیان ژی:
ئەنجامدانا راھێنانێن وەرزشی:
ڤەکۆلینێن زانستی ئاشکرا کریە، راھێنانێن وەرزشی دھاریکارن بۆ سۆتنا قەبارەکێ مەزن یێ سعرێن گەرمێ د لەشی دا و د دەمەکێ کێم دا، ھەرەسا حەزا خوارنێن ساخلەم ل نک مرۆڤی زێدە دکەن و دلێ مرۆڤی ل خوارنێن ب قەلەوی دگرن، ھەروەسا دوپات کریە کو راھێنانێن وەرزشی دھاریکارن بۆ شداندنا زەپلەکێن زکی کو باندۆرێ ل قەبارێ مەعیدەی دکەن، ژ وان راھێنانێن ھاریکار بۆ وێ چەندێ، غاردان و ھەروەلە و سوواربوونا پایسکلێ و راھێنانێن زکی، لەورا یا باش ئەوە راھێنانێن وەرزشی بکەی دا مەعیدێ تە بچووک بیت و سەنگەکێ نموونە ب دەستڤە بینی.
قەبارێ خوارنێ:
دەستنیشانکرنا قەبارەکێ خوارنێ بۆ ھەر دانەکێ کو یا ھاریکار بیت بۆ بچووکرنا مەعیدەی، کێمکرنا خوارنێ یا ھاریکارە بۆ بچووکرنا مەعیدەی، لێ ھند خوارنێ بخۆ ھندی لەشێ تەیێ پێدڤی بیت، ئانکو کێمتر ژ پێدڤیا خوە نەخۆ.
جۆرێ خورانێ:
دیارکرنا جۆرێ خورانێ ل ھەر دانەکی، ھندەک خوارن ژ قەبارێ خوە مەنتر لێدھێن دەمێ دگەھنە مەعیدە، ئێک ژ وان خوارنان ژی نانێ ئارێ سپی و خوارنێن ب روون و خوێ، لەورا یا باش ئەوە خوارنێن ساخلەم بخۆی و یێن بێ روون و خوێ دا مەعیدێ تە بچووک ببیت.
تێشت:
تێشتا ساخلەم یا ھاریکارە بۆ بچووکرنا مەعیدەی، ئەو چەندە یا ھاریکارە مرۆڤ ل دانێ فراڤینێ کێم خوارنێ بخۆت.
نڤستن:
رێکخستنا نڤستنێ یا ھاریکارە بۆ بچووکرنا مەعیدەی، ئەو ژی وەدکەت مەعیدە ھورمۆنێ گریلین بەردەت “ھورمۆنێ برسێ” ئەو یەک ژی وەدکەت مرۆڤ ل دانێ ئێڤاری پتر خوارنێ بخۆت، لەورا ب شەڤێ زوو بنڤە و سپێدێ زوو رابە دا مەعیدێ تە بچووک بیت.
