مەكتەبا رێكخستنا پارتی ل دهۆكێ 71 سالیا دامەزراندنا ئێكەتیا ئافرەتان پیرۆز دكەت
ب هـەلكەفتا 71 سالیا دامەزراندنا ئێكەتیا ئافرەتێن كوردستانێ، دوهی 11/12/2023 سەباح بەیتوللا، هاریكارێ بەرپرسێ مەكتەبا رێكخستنا پارتی ل پارێزگەها دهۆكێ ب هەڤالینیا شاندەكی سەرەدانا ئەنجوومەنێ دهـۆكێ و ئەنجوومەنێ دەورووبەرێن دهـۆكێ یێن ئێكەتیا ئافرەتێن كوردستانێ كر و ب ڤێ هەلكەفتێ پیرۆزباهی لێ كر.
هاریكارێ بەرپرسێ مەكتەبا رێكخستنا پارتی ل پارێزگەها دهۆكێ پیرۆزباهیێن خوە ئاراستەی ئێكەتیا ئافرەتێن كوردستانێ كرن و رۆلێ ئێكەتیا ئافرەتێن كوردستانێ د سەردەمێن جودا جودا دا بلند هەلسەنگاند و گۆت: “ئێكەتیا ئافرەتێن كوردستانێ رۆلەكێ كارا و باش هەبوویە و جهێ خوە د هەمی سێكتەرێن ژیانێ دا كریە و هەمی دەم و ل هەمی جهەكی ژی پارتی دێ پشتەڤانیا ئێكەتیا ئافرەتێن كوردستانێ و تەخا ئافرەتێن كورد بیت، ب تایبەت د پەیداكرنا كارێن گونجای و هەژی و بەژداریكرنا ئافرەتێ د بیاڤێن سیاسی و ئیداری دا”.
دیسا هەر ب هەمان هەلكەفت و ب بەرهەڤبوونا بەرەڤان حەمدی، بەرپرسێ لقێ ١٨ یێ پارتی و هەژمارەكا بەرپرسێن حزبی و میری و قوتابی و لاو ئافرەتان، د رێورەسمەكی دا ل هۆلا لقێ ٧١ سالیا دامەزراندنا ئێكەتیا ئافرەتێن كوردستانێ هاتە پیرۆزكرن و د پەیڤەكێ دا بەرەڤان حەمدی بناڤێ خوە و لقێ 18 بیرەوەریا دامەزراندنا ئێكەتیا ئافرەتان، ل ئافرەتێن كوردستانێ ب گشتی و دەڤەرا ئامێدیێ ب تایبەتی پیرۆز كر.
