مەلا بەختیار:ئێکەتی ئەنجامدانا ریفراندۆمێ بێی کاراکرنا پەرلەمانی ب کێشەکا مەزن دزانیت
ئەڤرۆ نیۆز،زنار تۆڤی:
بەرپرسێ دەستەیا کارگێریا مەکتەبا سیاسیا ئێکەتیا نیشتیمانیا کوردستانێ دیارکریە،کو بێی کاراکرنا پەرلەمانی ب ساناھی نابیت کو ئێکەتی بشێت پشکداریێ د پرۆسا رێفراندۆمێ دا بکەت.
مالپەرێ فەرمیێ ئێکەتیێ راگەهاندیە،کو مەلا بەختیاری ئه‌ڤ چەندە د هه‌ڤدیتنه‌كێ دا ل گه‌ل جێگرێ بالیۆزێ ئه‌لمانیا ل عێراقێ راگه‌هاندیە و گۆتیە ژی، دناڤ ئێکەتیا نیشتیمانیا کوردستانێ دا دو بۆچوون ھەنە،ئەو ژی ئەوە هەتاکو پەرلەمان دھێتە کاراکرن ئەو دێ پشکداریێ د کۆمبوون و لژنەیان داکەن،یا دی ژی ئەوە هەتاکو پەرلەمان نەھێتە کاراکرن پشکداریێ د چو کۆمبوون و لژنەیان دا نەکەن.
مەلا بەختیاری گۆتیە ژی،ئێکەتی ئەنجامدانا رێفراندۆمێ بێی کاراکرنا پەرلەمانی ب کێشەیەکا مەزن دزانیت،ھەروەسا دیارکریە ژی کو د کۆمبوونا دوماهیێ یا ل گەل سەرۆکێ ھەرێما کوردستانێ دا، بریارا کاراکرنا پەرلەمانی ھاتییە دان.
