مەنهەل ئەلعنزی: ب خوون گەرمیا یاریزانێن ناڤخوە دێ بزاڤێن دەربازبوونێ كەین
رەمەزان زەكەریا:
د داخویانیەكێدا راهێنەرێ تیما فوتبۆلا یانەیا شێخان ئاشكرا كر بەهرا پتر یا پێكهاتیێ تیما وان ژ كوڕێن دەڤەرێ و یاریزانێن نافخوەیی و ژ دەورۆبەران دهێن تایبەت ل باژێرێ ئاكرێ و بەردەڕەشێ كو یاریێ بۆ تیما شێخان دكەن، مە دو یاریزانێن باش هەبووینەئەو ژی فەلاح و یوسف، لێ دەلیڤەكا باش بۆ پەیدابوو و پەیوەندی ب یانەیا دهۆكێ د خولا كوردستانێ دا كرینە، دیسان ستاف و هەمی یاریزان خەلكێ دەڤەرێ نە.
زێدەتر مەنهەل ئەلعنزی بۆ رۆژنامەیا ئەڤرۆ گۆت: هەتا نوكە ئاست و بەرهەڤیێن تیما مە د باشن، وەكو وەرزێ بووریە كو پشكداری د خولاپلە دو یا كوردستانێ كربوو، ئەم ب هیڤیینە ئەڤ سالە ئاستەكێ باشتر پێشكێش بكەن هەڤڕكێن ب هێز بین دخولا پلە دو یا كوردستانێ دا.
هەروەسان ناڤبری گۆتژی: ئاریشەیا سەرەكی یا یانەیا شێخان خرابیا رەوشا دارایی یە ب تنێ ڤێ چەندێ ئاستێ یانەیێ خراب كرییە تایبەت نوكە دا بۆ ڤەگوهاستنا یاریزانا مە مووچە نینن وەك هاریكارییەك بۆ پێدڤیێن وان هەروەسان هاتنۆچوونێ بۆ دابین دكەین.
ژلایەكێ دووڤە راهێنەرێ یانەیا شێخان گۆت: ئەڤسالە دێ هەڤڕكیێ بۆ سەركەفتنێ كەین، سالێن بوری یانەیا شێخان گەهشتە پلە ئێك لێ ژبەر خرابیا رەوشا دارایی نەشیایێن سالێن بەردەوام بین و زڤرینەڤە پلە دو، مە دڤێت ب هێز ڤە بچینە پلە ئێك و دۆبارە نە ڤەگەڕێنە پلە دو و ئەگەر ببیتە ژبەر خرابیا رەوشا ئابۆری.
