مەهانە حوكمەتێ پێدڤی ب 90 ملیار دیناران هەیە بۆ دانا پاشئێخستیێ م
هەولێر، قائید میرۆ:
پەیڤدارێ وەزارەتا دارایی و ئابووری ل حوكمەتا هەرێما كوردستانێ دیار كر، حوكمەتا هەرێما كوردستانێ ل گەل ڤەگەڕاندنا پاشەكەفتێ مووچێ فەرمانبەرانە، بەلێ پێدڤی ب دابینكرنا پارەی هەیە و هەیڤانە بۆ ڤەگەڕاندنا پاشەكەفتێ مووچەی وەزارەتا دارایی پێدڤی ب 90 ملیار دیناران هەیە.
هونەر جەمال، پەیڤدارێ وەزارەتا دارایی و ئابووری ل حوكمەتا هەرێما كوردستانێ بۆ رۆژناما ئەڤرۆ دیار كر، هەرێما كوردستانێ سالانە پێدڤی ب ئێك ترلیۆن دیناران هەیە بۆ ڤەگەڕاندنا پاشەكەفتێ مووچێ فەرمانبەران و هەیڤانە ژی دبنە 90 ملیار دینار و گۆت: «هەر كەس و لایەنەكێ بزاڤان بۆ ڤەگەڕاندنا پاشەكەفتێ مووچەی بكەت، ئەم دەستخۆشیێ لێ دكەین، بەلێ دڤێت ئەڤێ راستیێ بزانن، بڕیارا ڤەگەڕاندنا پاشەكەفتێ مووچەی پێدڤی ب مەزاختنا پارەی هەیە و نەك 10%ێ ئەم حەز دكەین رێژەیێن زێدەتر بۆ فەرمانبەرێن هەرێما كوردستانێ بهێنە ڤەگەڕاندن».
هونەر جەمال ئاماژە ب وێ چەندێ كر كو ل گورەی قانوونا بودجەیا گشتی یا ئیراقێ چو پارەیەك ناهێتە مەزاختن، ئەگەر بهێت و د ناڤا قانوونا بودجەیێ دا پارە بۆ دانا پاشكەفتێ مووچەی نەهاتیە دیاركرن و گۆت: «حوكمەتا هەرێما كوردستانێ ل سەر دەمێ كابینا نەهێ شیایە چەندین چاكسازیان ئەنجام بدەت و زێدەتر ژ چار هزار كەسێن دو مووچە هەین مووچێ وان هاتیە بڕین و خانەنشینێن پلەیێن تایبەت ژی هاتینە رێكخستن».مەهانە حوكمەتێ پێدڤی ب 90 ملیار دیناران هەیە
بۆ دانا پاشئێخستیێ م
