مەهدی سالح: یانەیا شێخان د رەوشەكا خراب دا دەرباز دبت
رەمەزان زەكەریا
دداخویانیەكێدا جێگرێ سەرۆكێ یانەیا شێخان یا وەرزشی ئاشكراكر ئەڤسالە تیما وان یا فوتبۆلێ دەست ب بەرهەڤی بۆ ڤاڤارتنێن خولا پلە دوا كوردستانێ بەلێ ژبەر رەوشا خرابا یانەیا شێخان تێدا دەرباز دبیت ئەركێ مە گەلەك گران بوویە ژ هەموو لایەكێ ڤە.
زێدەتر مەهدی سالح بۆ ئەڤرۆ گۆت: نوكە رەوشا ئابووریا یانەیا شێخان 120 پلەیا كەفتیە بن سفرێ و د ئاستەكێ خراب دا دەرباز دبیت نەبوونا پشتەڤانیا دارایی كاریگەری ل سەر هەمی بوارەكێ یانەیێ دروستكریە ئەو هاریكاریا یانەیێ هەی ب تنێ ئەوە كو ژلایێ پارێزگارێ دهۆك ڤە دهێتە بەخشین لێ كۆژمەكێ گەلەك كێمە ئەگەر پشتەڤانی نەهێت كرن دێ رەوشا یانەیا شێخان گەلەك خراپتر بیت ژ وێ چەندا نوكە هەیی، داخوازی بۆ یانەیا شێخان هاتن بۆ پشكداری د خولیا ئیراقێ دا وەك یاریێن تاك و كۆم لێ خرابیا رەوشا ئابووری بۆ رێگر كو ژبلی خولا پلە دویا كوردستانێ یانەیێ شیانێن ئابووری نینە پشكداری چو خولەكێ بكەت ل كوردستانێ و ئیراقێ.
ناڤبری گۆت: دخوازین پشتەڤانیا یانەیا شێخان بهێتە كرن ل ڤێ رەوشا خرابا دارایی بهێتە رزگار كرن بۆ وێ چەندێ ئەم بشێین باشتر خزمەتا یا نەیا خوە بكەین و هژمارەكا ب هێز بین ل ناڤ خولا پلە دوا كوردستانێ دا.
