مەهەپە داخوازا پۆستەکێ گرنگ ژ ئاکپارتیێ دکەت
ئەڤرۆ نیۆز:
دەزگەهێن راگەهاندنا تورکیا دیار دکەن کو سەرۆکێ پارتا بزاڤا نەتەوەپەرست (مەهەپە) داخواز ژ ئەردۆگانی کریە کو پۆستێ سەرۆکێ پەرلەمانێ تورکیا بۆ وان بیت، چونکو سەرۆکێ نها یێ پەرلەمانی بینالی یلدرم بۆ سەرۆکاتیا باژێرڤانیا ئستەنبۆلێ هاتیە کاندیدکرن و مەهەپە ژی داخوازا وی پۆستی دکەت.
رۆژناما مللیەت یا تورکیا دیار دکەت کو بەری نها رێککەفتن د ناڤبەرا ئاکپارتیێ و مەهەپێ دا هەبوویە و نها ژی مەهەپە داخواز سەرۆکاتیا ٧ باژێرڤانیان ل دەڤەرێن جودا جودا یێن تورکیا و سەرۆکێ پەرلەمانی دکەت.
هەمان رۆژناما تورکیا دیار دکەت کو ئەردۆگان ل هەمبەر ڤێ داخوازا مەهەپێ یێ تەنگاڤە و هەتا نها بەرسڤا وێ نەدایە و ژ بەر هندێ ژی ئەگەرێ هندێ یا هەی رێککەفتنا مەهەپێ و ئاکپارتیێ بهێتە هلوەشاندن.
